ჟურნალისტი, ბონდო მძინარაშვილი:
“ხელისუფლებამ ყველაფერი გააკეთა იმისთვის, რომ ევროკავშირის წევრობის კანდიდატის სტატუსი არ მოგვცენო!
და თქვენ რატომ ეხმარებოდით ხელისუფლებას, – სასარგებლო იდიოტები ხართ?!
არადა, ყველაფერი პირიქით არის, – ასოცირების ხელშეკრულებით ნაკისრი ვალდებულებების შესრულების ფარგლებში ხელისუფლებამ მაქსიმუმი გააკეთა კანონმდებლობის ჰარმონიზაციის ჩათვლით!
და ამ პროცესს ყურადღებით აკვირდებოდნენ ევროკავშირში!
როდესაც დეპუტატებს მოგიწოდებდით, რომ ამ პროცესში აქტიური მონაწილეობა მიგეღოთ, თავი შორს გეჭირათ!
თქვენი მოვალეობა უნდა შეგესრულებინათ, თქვენი!
ამის ნაცვლად კი ევროსტრუქტურები აიკელით, – საქართველო ევროკავშირის წევრობის კანდიდატის სტატუსის მიღებას არ იმსახურებსო!
ასე ცდილობდით ხელისუფლების დისკრედიტაციას! იმ ხელისუფლების, რომლის ნაწილიც თქვენც ხართ, – საპარლამენტო ოპოზიცია!
ზოგ თქვენგანს არ გესმით, გონება არ გყოფნით, ზოგიც მიზანმიმართულად, მმართველი პარტიის დაზიანების სურვილით შეპყრობილი, უპირველესად საქართველოს სახელმწიფო ინტერესებს აზიანებთ!
კანონში ჩაიხედეთ, – სახელმწიფო-პოლიტიკური თანამდებობის პირების ჩამონათვალში პირველი პრეზიდენტი წერია, მეორე – პარლამენტის წევრი!
თქვენ, დეპუტატები, სახელმწიფო-პოლიტიკური თანამდებობის პირები ხართ, მაგრამ ეს ვერ გაგიაზრებიათ და ბრალდებების უტვინოდ წამოსროლის იქით ვერ მიდიხართ, რადგან პასუხისმგებლობას ვერ გრძნობთ! თქვენს პასუხისმგებლობას!
მე მჯერა, რომ საქართველო ევროკავშირის წევრობის კანდიდატის სტატუსსაც მიიღებს და დიდი ევროპული ოჯახის წევრიც გახდება!
მჯერა, რადგან ეს არ არის დღევანდელი არჩევანი, ეს ისტორიული არჩევანია!
და თუ მაინც გამრუდდება ევროპული სამართლიანობა, არც ამ გარემოებამ უნდა მოგვგვაროს იმედგაცრუება და აქ, საქართველოში უნდა ავაშენოთ ევროპული სახელმწიფო!
ღმერთმა დალოცოს ჩვენი სამშობლო!
მშვიდობა საქართველოს”
კომენტარები