“საქართველო ირჩევს ევროკავშირს” – ნიაზ დიასამიძე

20 ოქტომბერს თბილისში მასშტაბური მარშია დაგეგმილი.

თავისუფლების მოედანზე სცენის მონტაჟი უკვე დაწყებულია, ადგილზე იმყოფება მუსიკოსი ნიაზ დიასამიძე და მედიასთან ამბობს:

“საქართველო ირჩევს ევროკავშირს, მომავალი თაობაც, წინა თაობაც, საუკუნეების გადაწყვეტილებაა, ეს არ არის გუშინდელი (გადაწყვეტილება). უბრალოდ, ეს რატომღაც გვავიწყდება,რომ ყოველ ჯერზე ყველა საუკუნის, დიდი მოღვაწე, თუ ვინმე იყო ქართველი და არა ერთი, არამედ გუნდები ყველასთვის ეს იყო აშკარა გზა, რომ ჩვენ ვართ ევროპა.

აქ ლაპარაკია კულტურაზე, ყოველდღიურობაზე, აღქმაზე სამყაროსი და იმაზე, რასაც ჰქვია ადამიანი. ჩვენი ღირებულება აშკარად არის ევროპა, ამიტომ ვფიქრობ, რომ ეს ამდენი წლები ვერ ჩაიყრება წყალში”