“საფრთხე ემუქრება ექიმების, ექთნების და სანიტრების ხელფასს – შეაჩერეთ დადგენილება!”

“ლელო საქართველოსთვის“ ლიდერებმა საბა ბუაძემ და ვატო სურგულაძემ ჯანდაცვის სისტემაში შექმნილი ფინანსური კრიზისის და მთავრობის #520 დადგენილების შესახებ ბრიფინგი გამართეს:

მოგიწოდებთ ჯანდაცვის სამინისტროს, დროებით შეაჩეროთ #520 დადგენილების მოქმედება და შეიმუშავოთ გეგმა კრიზისით მიყენებული ფინანსური ზარალის ანაზღაურებისთვის.

“დაფინანსების წესში განხორციელებული ცვლილებების გამო, სამედიცინო დაწესებულებები იძულებული გახდნენ 30%-ით შეემცირებინათ სახელფასო ფონდი.

კარდიოქირურგიის დარგი ფაქტობრივად დაშლის პირას მივიდა. ამ დადგენილების მსგავსად, დაფინანსების შემცირება ასევე დაგეგმილია ოფთალმოლოგიის, ნეიროქირურგიის და ორთოპედიის სფეროებში.

დღეს სამედიცინო სექტორი ქვეყანაში ერთ-ერთი უმსხვილესი მსესხებელია და ქვეყნის მთლიანი საკრედიტო პორტფელის 7%-ს იკავებს. სამედიცინო დაწესებულებების მასშტაბურმა გადახდისუუნარობამ შესაძლოა ფართო მასშტაბიანი ეკონომიკური კრიზისი გამოიწვიოს.

ჯანდაცვის სამინისტრომ უნდა იღონოს ყველაფერი იმისთვის, რომ სამედიცინო დაწესებულებები კრიზისამდელ მდგომარეობაში დაბრუნდნენ და ჩვეულ რეჟიმში შეძლონ ოპერირება. მნიშვნელოვანია, რომ საფრთხე არ დაემუქროს ექიმების, ექთნების და სანიტრების შემოსავალს”