საფრანგეთში მცხოვრები ჟურნალისტი, გიორგი ფოფხაძე, საიტზე genews.eu წერს:
“ფრანგული ფემინისტური ორგანიზაციების აქტივისტებმა, ქვეყნის შინაგან საქმეთა მინისტრად ჟერალდ დარმანენის და ცნობილი ადვოკატის ერიკ დიუპონ- მორეტის იუსტიციის მინისტრად დანიშვნის წინააღმდეგ საპრტესტო აქცია გამართეს.
ახალ მთავრობაში მოხვედრილ, ახალ შინაგან საქმეთა მინისტრს ჟერალდ დამანენს თავისი ყოფილი იურისტის სოფი პეტერსონ – სპაცის გაუპატიურებაში ადამაშაულებენ.
მიუხედავად იმისა რომ, 2018 წლის აგვისტოში პარიზის სასამართლომ, ჟერალდ დარმანენის წინააღმდეგ შეწყვიტა საქმე დანაშულის ნიშნების არქონის გამო, მომჩივანმა ქალბატონმა სასამართლოს გადაწყვეტილება გაასაჩივრა საააპელაციოში და გამოძიება ჯერ არ დასრულებულა.
რაც შეეხება იუსტიციის მინისტრს, საფრანგეთის ცნობილ ადვოკატს ერიკ დუპონ მორეტის, რომელსაც ფრანგული ადვოკატურის ისტორაში ყველაზე მეტი 145 საქმე აქვს მოგებული და დღემდე ითვლებოდა Wikileaks-ს დამფუძნებლის ჯულიან ასანჟის დამცველად დიდი ბრიტანეთის სასამართლოში, ფრანგი ფემინისტების რისხვის ქვეშ მხოლოდ იმიტომ მოხვდა რომ, იცავდა პოლიტიკოსს ჟორჟ ტრონს, რომელსაც ასევე თანამშრომელ ქალბატონზე სექსუალურ ძალადობას ედავებოდა ფრანგული თემიდა და რომელიც ერიკ დუპონ-მორეტის დამსახურებით გამართლდა.
ფემინისტმა ქალბატონებმა შინაგან საქმეთა და იუსტიციის მინისტრების დანიშვნა ელისეს სასახლესთან – (საფრანგეთის პრეზიდენტის რეზიდენცია) გააპროტესტეს ზუსტად მაშინ, როდესაც ემანუელ მაკრონი ახალი მთავრობის კაბინეტის წევრებს ხვდებოდა.
აღსანიშნავია რომ, ცოტა ხნით ადრე, საფრანგეთის პრეზიდენტის ადმინისტრაციის წარმომადგენელმა ჟურნალისტებს განუცხადა რომ, ჟერალდ დარმანენის მიმართ გამოძიებაში მყოფი საქმე, არ წარმოადგენს რაიმე ბარიერს,იმისათვის რომ, დარმანენმა შინაგან საქმეთა მინისტრის პოსტი არ დაიკავოს.
კომენტარები