საფრანგეთი უკრაინას Mirage-2000-ის ტიპის მოიერიშე თვითმფრინავებს გადასცემს და უკრაინელ პილოტებს შესაბამის სწავლებას ჩაუტარებს. ამის შესახებ საფრანგეთის პრეზიდენტმა, ემანუელ მაკრონმა განაცხადა და აღნიშნა, რომ უკრაინელი მფრინავების მოსამზადებლად წვრთნები საფრანგეთში ჩატარდება.
“დავიწყებთ ახალ თანამშრომლობას და უკრაინას ფრანგული მწარმოებელი Dassault-ის მიერ Mirage-2000 გამანადგურებლებს გადავცემთ და მოვამზადებთ მათ უკრაინელ პილოტებს საფრანგეთში,” – განაცხადა მაკრონმა.
პრეზიდენტმა აღნიშნა, რომ ის უკრაინის პრეზიდენტს, ვოლოდიმირ ზელენსკის საფრანგეთში შეხვედრისას შესთავაზებს, რომ მფრინავების მომზადება ამ წლის ზაფხულიდან დაიწყონ – “ჩვეულებრივ საჭიროა ხუთი-ექვსი თვე. ასე რომ, ისინი წლის ბოლომდე პილოტები იქნებიან. პილოტები საფრანგეთში გაივლიან მომზადებას”.
კომენტარები