საქართველოს მესამე პრეზიდენტი, მიხეილ სააკაშვილი სოციალურ ქსელში ამტკიცებს, რომ ის საქართველოში ჩამოვიდა. აღნიშნულ ინფორმაციას საზოგადოების მხრიდან დიდი გამოხმაურება მოჰყვა. ფაქტს მოსახლეობის ერთი ნაწილი ხუმრობით და არასერიოზულად უყურებს, მეორე კი ექსპრეზიდენტს წარმატებას უსურვებს.
„ნამდვილად არ ვიცი სიმართლეა თუ არა, მაგრამ ფაქტია, რომ ძილს უფრთხობს ზოგიერთებს და სიგიჟემდე მიჰყავს…“.
„როგორ? უკვე საქართველოში ხართ? დავიბენი ღმერთი გფარავდეთ პრეზიდენტო!“.
„კეთილი იყოს თქვენი ფეხისგულებით მამულის შეგრძნება. ოდითგანვე, სიკეთის ნაყოფს, კაცობრიობა ათასი ბოროტებისგან უხსნია. დაე, იმ გულმა, რომელიც თქვენი სამშობლოსთვის გიძგერთ, გაგამარჯვებინოთ, უსახურ და უნამუსო ქვეყნის შიდა და გარეშე მტერთან უკომპრომისო ბრძოლაში! უფალი არის თქვენთან! ამინ! ამინ! ამინ!“.
„აბა, დილა მშვიდობისა ბიძინი, გაიღვიძე, მოვედი“.
„შოკიიი! ჯერ თავიდან ვკითხულობ, შემდეგ ბოლოდან, შემდეგ ისევ თავიდან, რა ვქნა ახლა“.
„არ მჯერა, გამოიარეთ ხაშურში, ჩემი თვალით უნდა გნახოთ”.
„საფლავში იგრძნობს ჩემი ექიმი დეიდა თქვენს ჩამოსვლას, სულ მიშას გაიძახოდა, აგიტაციებს უტარებდა ხალხს, როგორ უყვარდით რომ იცოდეთ”.
„თქვენ თუ საქართველოში ასე ჩუმად შემოხვედით, საღოლ. ერთი კი ჩემგან!”.
„შემოგევლე! ჩემი გატანჯული და ქანც გამოცლილი საქართველოს იმედო, მომავალო. უფალმა დაგიფაროს, გენაცვალე”.
წყარო: „დაიჯესტი“
კომენტარები