საპატრიარქო მოშიმშილე მღვდლის წინააღმდეგ. სასულიერო პირს, რომელიც მიხეილ სააკაშვილის გათავისუფლების მთხოვნით მოშიმშილეთა აქციას შეურთდა, დღეს ანდრია ჯაღმაიძე დაუპირისირდა.
საპატრიარქოს პრესმდივანი ამტკიცებს, რომ ემიგრანტი არსენ თარხნიშვილი სასულიერო პირი არ არის. ის ბერად არ აღკვეცილა და ეკლესიაში ერთი დღეც არ უმსახურია.
სკანდალის მიზეზი ემიგრანტი მღვდლის ფოტოები გახდა სოციალური ქსელიდან, სადაც ის წელს ზევით შიშველი, ზღვის სანაპიროზეა. ამ ფოტოთი საპატრიარქო ადგენს, რომ ემიგრანტი მოძღვარი ანაფორაში გამოწყობილი პოლიტიკური აქტივისტია.
არსენ თარხნიშვილი ანდრია ჯაღმაიძის ბრალდებებს პასუხობს და აცხადებს, რომ სწორედ საპატრიარქოა პასუხისმგებელი ქვეყანაში სიძულვილის ენის გაღვივებაში. ამის მაგალითად სასულიერო პირს ის ფაქტი მოჰყავს, რომ მას შემდეგ, რაც საპატრიარქომ განცხადება გაავრცელა, მის სოციალურ ქსელს ტროლები და ბოტები შემოესივნენ.
საპატრიარქო არის ტყვე დღევანდელი ხელისუფლების. ზოგი მოისყიდეს, ზოგი დააშანტაჟეს. ჩემი სურათებით რაღაც ფაბრიკაციებს ქმნიან, რაღაც ვულგარულ წარწერებს აკეთებენ, ტალახს ისვრიან, არის დამუქრებები.
შესაძლოა, ამათმა ჩემი ხორცი მოკლან, მაგრამ სულს ვერაფერს დააკლებენ. ასე გავცემ მათ პასუხს. საპატრიარქოსი არ მეშინია – განაცხადა არსენ თარხნიშვილმა.
კომენტარები