საპარლამენტო უმრავლესობამ ეროვნული ბანკის კანონზე პრეზიდენტის ვეტო დაძლია.
კენჭი ჯერ პრეზიდენტის მიერ მოტივირებული შენიშვნებით დაბრუნებულ კანონპროექტს ეყარა, რომელიც ჩავარდა. მომხრე იყო 15 დეპუტატი, წინააღმდეგი – 26
ამის შემდეგ კენჭისყრაზე კანონპროექტის პირვანდელ რედაქცია დადგა. მას მხარი 82-მა დაუჭირა, 9 წინააღმდეგი იყო.
ზურაბიშვილმა “ეროვნული ბანკის შესახებ” ორგანულ კანონში ცვლილებებს ვეტო 23 თებერვალს დაადო.
უმრავლესობის ინიციატივით მიღებულ საკანონმდებლო ცვლილებებით, ეროვნული ბანკის საბჭოში ახალი აღმასრულებელი თანამდებობის – პირველი ვიცე-პრეზიდენტის პოსტი შემოდის.
პრეზიდენტი პარლამენტს სთავაზობდა, რომ სებ-ის პრეზიდენტის არყოფნის დროს, ერთ-ერთი ვიცე-პრეზიდენტის მიერ, მოვალეობის შესრულების საკითხი ეროვნული ბანკის საბჭომ გადაწყვიტოს.
კომენტარები