“საოცრება ამოვიკითხე, ცოტა უხერხული მგონია” – ნიკა გვარამია

“მთავარი” არხის დამფუძნებელი ნიკა გვარამია ამერიკის სახელმწიფო დეპარტამენტის იმ განცხადებას ეხმაურება, რომლითაც ოპოზიციას მოუწოდებენ, შევიდეს პარლამენტში და ცვლილებები საკანონმდებლო ორგანოდან განახორციელოს. 

“ერთ ცხელ-ცხელ ტექსტში საოცრება ამოვიკითხე:

თურმე, ნუ იტყვით და ამ ჯორჯიაში არჩევნების შედეგების აღიარებაზე იქნებ იფიქროს ოპოზიციამ და პარლამენტში შევიდესო, მიუხედავად მასობრივი მოსყიდვების, ჩაყრების, ტერორის, დარღვევების, ოქმების გადაკეთების და დარღვევებზე რეაგირების ფუნქციონალური ინსტრუმენტების არარსებობისაო. მიუხედავადო, იქნებ მაინცო. ეს, ცხადია, მცდარი მოსაზრებაა და უბრალოდ მცდარ მოსაზრებად დარჩებოდა, რომ არა ზემოთხსენებული საოცრება. საოცარი კი ამ ტექსტში ისაა (როგორც თავად იტყოდნენ, the irony is) რომ მისი ავტორი (ტექსტში ის ინკოგნიტოდაა დატოვებული) იმის დანიშნულია (appointee), ვინც თავის ჯორჯიაში არჩევნების შედეგებს არ აღიარებს და მგონი მესამე წრეზე ითხოვს გადათვლას და მის პრეზიდენტად გამოცხადებას. რა ვიცი, ცოტა უხერხული მგონია”