“სანსეტ შოვის“ რეაბილიტაციისას მდინარის კალაპოტი შეცვალეს – მთივლიშვილი

რა გახდა სანსეტ შოვის ტერიტორიაზე მეწყერის ჩამოწოლის მიზეზი? – ადგილობრივების პოზიციას დაკავშირებით “დღის ამბებთან” გელა მთივლიშვილი საუბრობს.

“მთის ამბების” რედაქტორი ამბობს, რომ სტიქიის დროს დაზარალებული ერთ-ერთი ადგილობრივი გელა ბუტაშვილი, რომლის ოჯახის 9 წევრი დაკარგულია, მასთან საუბარში ყვება, რომ სასტუმრო სანსეტ შოვის რეაბილიტაციის დროს კალაპოტს მიმართულება შეუცვალეს, რის გამოც, ღვარცოფი კოტეჯების ტერიტორიაზე შევარდა.

მოხდა ისე, რომ „სანსეტ შოვის“ რეაბილიტაციის დროს შეცვალეს მდინარის კალაპოტი, ამ ადამიანებს შორის ამის გამო იყო კონფლიქტი. ეს სანსეტ შოვი არის არქი ჯგუფთან დაკავშირებული სასატუმრო, კერძოდ, ილია წულაიასთან და ის ვერაფერს გახდა ამ გავლენიან ჯგუფთან ამ საკითხის გადაწყვეტაში. ბუტაშვილი მიიჩნევს, რომ მათ შორის, ერთ-ერთი ხელშემწყობი მიზეზი, რამაც ეს სტიქია ამ მოცულობით განავითარა მისი კოტეჯების ტერიტორიაზე, არის ეს არხიც,“ – ამბობს მთივლიშვილი.

მთივლიშვილის თქმით, მანვე გაარკვია, რომ მდინარეებზე ადრეული შეტყობინების სისტემები დაყენებული არ არის.

მთელი დღის განმავლობაში ვცდილობდი, გადამემოწმებინა მდინარე ბუბაზე და ჭანჭახზე თუ არის დაყენებული ადრეული შეტყობინების სისტემა, რომელიც ამ ტიპის საფრთხეებზე – მდინარეებში წყლის დონის კლების, მოვარდნის შესახებ შესაბამის სამსახურებს აძლევს სიგნალს და შემდგომ ისინი ახერხებენ ადამიანის ჯანმრთელობასა და უსაფრთხოებაზე ზრუნვას და მათ ევაკუირებას. ასეთი რამ არ მომხდარა, ერთი მხრივ, იმიტომ ალბათ, რომ ეს სისტემა არ გვაქვს ან მეორე მხრივ, სისტემა შეიძლება იყო და არ იმუშავა, ანუ გაუმართავია. ერთი ან მეორე არაფერს ცვლკის, ეს შედეგი დადგა იმიტომ, რომ უპასუხისმგებლობაა მთელი რიგი უწყტებების მხრიდან გამოჩენილი და დანაშაულებების კასკადია. მგონია და მიმაჩნია, რომ უნდა დადგეს პასუსისმგებელი და გადაწყვეტილების მიღები პირების მიმართ. მინიმუმ სამსახურებრივი გულგრილობა იკვეთება,“ – ამბობს გელა მთივლიშვილი.