ჟურნალისტი, ნელი ვარდიაშვილი:
პაპაჩემის დროს აზომეს ვაქირში ჩვენი სამოსახლო, შემდეგ აზომეს მამაჩემის დროს, ახლა გამოსულა ახალი აპარატი და ამიტომ, კიდევ უნდა ავზომოთო. ყოველი ახალი აზომვის დროს არის ცდომილება და ეს გასაკვირი არც არის. გამომგონებლები მაინც გააჩერეთ, რომ სხვა საქმეც გააკეთოს საჯარო რეესტრის ხალხმა…რას ზომავენ ამდენს ქართულ მიწას. ვითომ არ იციან, რომ პატარაა და დიდი ნაწილი არაქართველებს აქვს ხელში ჩაგდებული, ისევ ამათი მაქინაციებითა და გამყიდველობით. რის მიღწევა უნდათ? გაუფორმებელი მიწების აღმოჩენა და ხელში ჩაგდება სურთ, ისიც არაქართველებს რომ მიაყიდონ და ფული აკეთონ? ხალხში ახალი შუღლის ჩაგდებას ცდილობენ?სახელმწიფო ბიუჯეტის თანხები რომ ფეხებზე ჰკიდიათ, გავიგეთ, ორ-ორი მანქანით 6-7 კაცი დაწოწიალობს ყოველდღიურად, წვავს ბენზინს და ვითომ რაღაცას ზომავს… დღეს იურისტი მომიყვანეს, რომელიც გალექსილი მიხსნიდა რაღაც სისულელეს… გამეცინა. ეს ყველაფერი მე დიდი ხანია გავიარე, თან ათასჯერ…პროტესტი მაქვს ამ აზომვასთან დაკავშირებით მხოლოდ იმიტომ, რომ ახალ-ახალ აზომვებს ჩემთვის არაფერი მოაქვს და მათთვის რა მოაქვს, სანამ სიმართლეს არ იტყვიან, არ ავაზომინებ! აი, ეგრე. რა მომივა, უნდა ვნახო…ჩემი ნაკვეთი როგორიც იყო პაპაჩემის მამის დროს, ისევ ისეთია, ისევ იქაა მიჯნები და გოჯიც არ მიმიმატებია. სხვის ადგილებში შეჭრასაც არ ვაპირებ. მაგ აპარატით კარგად აზომეთ თქვენს მიერ გაყიდული მიწები ჯერ მარტო სიღნაღში და გადაეცით გამოძიებას, რომელმაც ეს საქმე თაროზე შემოდო! ვოტ, ტაკ!
კომენტარები