გერმანიაში მცხოვრები ექიმი, იაგო ფრანგიშვილი:
“ვინმე გიორგი ქეტარია, სტუდენტი თბილისში, რომელიც გამოასახლა ძველი ნორმალური ბინიდან ქართველმა გამქირავებელმა და ახლა ცხოვრობს ერთოთახიან ,,ხვრელში,, თბილისში 120 ევროდ.
ოთახში სამზარეულო, დუში და საძინებელი ოთახი ერთადაა, ერთი ოთახია. ტუალეტს კარები არ ეკეტება და
ამაში იხდის 350 ლარს თვეში, თბილისში.
აი ამ რეალობის ადამიანებს თხოვთ რომ მოგცეთ ხმა.
ერთმა მაინც, აი აქ რომ აქტიურიობს თბილისიდან
კარგი პატრიოტი ქართველი რომაა
ანტი რუსი და საქართველოს მომავალი რომ სურს
ერთი დღე იცხოვრეთ იმ ბინაში.
გიორგი სტუდენტია და ყველამ კარგად იცის თუ რამდენს იხდის სემესტრში გადასახადს.
თქვენ კი, აქ რომ წერთ, ხართ გიორგის ,,ლექტორი,, დოცენტი პროფესორი მასწავლებელი.
დაინტერესებულხართ, თუ როგორ იხდის გიორგი სწავლის ფულს?
დაინტერესებულხართ, თუ რა ხდება, როცა გიორგის საგანს შეტენით, უფრო სწორად თბილისურად კორექტულად რომ ვთქვათ, რა ხდება, როცა გიორგი იძულებულია ,,საგანი დაიმატოს,, და სემესტრი გააგრძელოს?
იცით ეს?
შეგიძლიათ მის სიტუაციაში თავის წარმოდგენა და ერთი დღე მისი ცხოვრებით ცხოვრება?
პრორუსი და პუტინისტი არაა უსაშინლესი დანაშაული.
ანტიქართველობაა საშინელება
ქართველი ადამიანის ფსიქიკის და მომავლის განადგურებაა საშინელება და ამ ადამიანთა რიცხვი უფრო მეტია, ვიდრე აშკარა პუტინისტის.
ნუთუ ქართველ ჟურნალისტს არ ეხამუშება, რომ გერმანული ტელევიზია და გერმანელი ჟურნალისტი აღწერს ქართულ რეალობას უფრო გამართულად და სრულფასოვნად?
არ გამოვა ასე ,,ჯერ ბიძინა გავაგდოთ,,
არაფრით არ გამოვა
ადამიანები არ გაინტერესებთ პოლიტიკოსებს, არ გაინტერესებთ პოლიტიკით დაინტერესებულებს და ესაა უმთავრესი პრობლემა.”
კომენტარები