“სამწუხაროა, თუმცა, გაუგებარი არ არის”, – ამის შესახებ შეერთებული შტატების ელჩი საქართველოში რობინ დანიგანი ჟურნალისტებთან საუბრობს და საქართველოში სწავლება “ღირსეული პარტნიორის” განუსაზღვრელი დროით შეჩერებასთან დაკავშირებით თავდაცვის დეპარტამენტის განცხადებას ეხმაურება. ის ამ საკითხზე თავდაცვის მინისტრის გამოხმაურებასაც პასუხობს.
„ეს, რა თქმა უნდა, სამწუხაროა, თუმცა გაუგებარი არ არის, ამ საკითხზე ჩვენ ვისაუბრეთ და სახელმწიფო მდივანმა მკაფიოდ განაცხადა, რომ მიმდინარეობს ჩვენი ორმხრივი ურთიერთობების გადახედვა, შესაბამისად, ამ კონტექსტში მოხდა აღნიშნული წვრთნების გაუქმება, რადგან ადგილი ჰქონდა საჯარო განცხადებებს გარკვეული პირებისგან, მათ შორის, მმართველი პარტიის წევრებისგან და ამიტომ მიმდინარეობს ურთიერთობების გადახედვა. სწორედ ამიტომ სამწუხაროა, თუმცა იმედი გვაქვს, რომ ჩვენი ურთიერთობები დაბალანსდება”, – განაცხადა რობინ დანიგანმა. [ipn.ge]
კომენტარები