სამხარაულის ბიუროს სასამართლო ექსპერტის, ეკა ჩავლეიშვილის თქმით, მას დოკუმენტაციის სახით მხოლოდ “ემპათიის” დასკვნა და მისი დანართები გადაეცა.
ექსპერტმა სასამართლო სხდომაზე განაცხადა:
“კვლევებში მითითებული დაავადებები, მდგომარეობები არ შეესაბამება საქართველოს შრომის, ჯანმრთელობის და სოციალური დაცვის მინისტრის 2013 წლის 15 თებერვლის №01-6/N ბრძანებით დამტკიცებულ იმ მძიმე და განუკურნებელ დაავადებათა ჩამონათვალის დამტკიცების შესახებ, რომლებიც მსჯავრდებულის სასჯელის მოხდისგან გასათავისუფლებლად წარდგენის საფუძველია.”
ავდოკატმა ექსპერტს სთხოვა დაეზუსტებინა, მხოლოდ ემპათიის დასკვნა მიიღო და მეტი არაფერი, თუ სხვა დოკუმენტაციაც გადაეცა, რაზეც ექსპერტი პასუხობს:
“ის დოკუმენტაცია, რაც არის ჩვენთან მოწოდებული, არის ეს დოკუმენტაცია, მოგახსენეთ უკვე. სამედიცინო დოკუმენტაცია იმ კლინიკებიდან, სადაც პაციენტი მკურნალობდა. ცენტრ “ემპათიას” დასკვნა”
კომენტარები