ალასკაზე გამართული სამიტის დროს ვლადიმირ პუტინმა აშშ-ის პრეზიდენტ დონალდ ტრამპს უკრაინაში ომის დარეგულირების შესახებ კრემლის წინადადებები წარუდგინა.
საერთაშორისო სააგენტო Reuters აქვეყნებს პუტინის მოთხოვნების სიას უკრაინის მიმართ. წყაროების ცნობით, დიქტატორის პირობები შეეხება ტერიტორიებს, სანქციებსა და რუსულ ენას უკრაინაში.
პუტინის ძირითადი მოთხოვნები:
- უკრაინამ უნდა გაიყვანოს ჯარები დონეცკისა და ლუგანსკის ოლქებიდან;
- რუსეთი გაყინავს ფრონტის ხაზს სამხრეთში (ხერსონი, ზაპოროჟიე);
- მოსკოვი დააბრუნებს მცირე ტერიტორიებს ხარკოვისა და სუმის ოლქებში;
- უკრაინა უარს იტყვის ნატოში გაწევრიანებაზე, თუმცა მიიღებს „უსაფრთხოების გარანტიებს“ ალიანსის გარეთ;
- ყირიმი უნდა დარჩეს რუსეთს;
- რუსეთის მიმართ დაწესებული სანქციების ნაწილი უნდა მოიხსნას;
- რუსულ ენასა და რუსეთის მართლმადიდებელ ეკლესიას ოფიციალური სტატუსი უნდა მიენიჭოს.
პარასკევს, Fox News-თან ინტერვიუში, ტრამპმა განაცხადა, რომ მხარეები „ძირითადად შეთანხმდნენ“, თუმცა საბოლოო გადაწყვეტილება კიევმა უნდა მიიღოს. პრეზიდენტი ზელენსკი ორშაბათს ვაშინგტონში ჩავა ტრამპთან მოლაპარაკებებისთვის.
კიევმა უკვე უარყო ნებისმიერი ტერიტორიული დათმობა, განსაკუთრებით დონეცკის რეგიონში. ევროპელმა ლიდერებმა ასევე აღნიშნეს, რომ ყირიმის რუსეთისადმი ოფიციალურად აღიარება და დათმობა მიუღებელია.
კომენტარები