რამზან კადიროვმა უშიშროების ძალებს მოუწოდა, “არეულობის მონაწილეებს” დაუმორჩილებლობის შემთხვევაში, “შუბლში ესროლონ”. კადიროვის ბრძანებით, თუ პირს სამ გამაფრთხილებელ გასროლაზე რეაგირება არ ექნება, მეოთხე ტყვია უკვე შუბლში მოხვდება:
„თუ ჩვენთან ერთი ადამიანიც კი გამოვა არასანქცირებული არეულობისთვის, დააკავეთ და ჩასვით ციხეში, ან განახორციელეთ სამი გამაფრთხილებელი გასროლა ჰაერში და ამის შემდეგ, თუ ადამიანი კანონს არ დაემორჩილება, განახორციელეთ მეოთხე გასროლა შუბლში. მეტჯერ აღარ გამოვლენ, ეს ჩემი ბრძანებაა”, – განუცხადა კადიროვმა შინაგან საქმეთა სამინისტროსა და რუსეთის ეროვნული გვარდიის წარმომადგენლებს.
კადიროვმა ეს განკარგულება დაღესტანში ორი დღის წინ განვითარებული მოვლენების ფონზე გასცა. მაჰაჩყალას აეროპორტში კვირას მომიტინგეები შეიჭრნენ, როცა იქ ისრაელიდან თვითმფრინავი ჩაფრინდა.
კომენტარები