„სამართლიანი არჩევნები“ არის ორგანიზაცია, რომელმაც გააყალბა მონაცემები, მტკიცებულებების გარეშე მათ განცხადებებს არ ვენდობი” – კახა კალაძე

„სამართლიანი არჩევნები“ არის ორგანიზაცია, რომელსაც იმიჯი ძალიან შეელახა, დიდ სკანდალში გაეხვა, გააყალბა მონაცემები, მტკიცებულებების გარეშე მათ განცხადებებს არ ვენდობი” – განაცხადა ჟურნალისტებთან საუბარში დედაქალაქის მერმა კახა კალაძემ.   

კალაძემ უპასუხა ჟურნალისტის კითხვას ორგანიზაციის ანგარიშის იმ ნაწილთან დაკავშირებით, სადაც საუბარია „სავარაუდოდ პოლიტიკური ნიშნით მუქარასა და ადმინისტრაციული რესურსის სავარაუდო გამოყენებაზე“.

„ფაქტები უნდა დაიდოს. „ისფედი“ არის ორგანიზაცია, რომელსაც იმიჯი ძალიან შეელახა, დიდ სკანდალში გაეხვა, გააყალბა მონაცემები, რომელიც იქნა გამოქვეყნებული. შესაბამისად, ამ განცხადებებს მე არ ვენდობი, თუ რაიმე მტკიცებულებები არ იქნა წარმოდგენილი“, – განაცხადა კახა კალაძემ.

„სამართლიანი არჩევნებისა და დემოკრატიის საერთაშორისო საზოგადოებამ“ თვითმმართველობის არჩევნების ოფიციალური წინასაარჩევნო პერიოდის მონიტორინგის მეორე შუალედური ანგარიში წარადგინა, რომელიც 31 აგვისტოდან 21 სექტემბრის ჩათვლით პერიოდს მოიცავს.