ვაკის პარკის შადრევნის საქმეზე დაკავებული ლაშა ფურცხვანიძე პატიმრობიდან ვადაზე ადრე გათავისუფლდა. “კომპანია “გრინსერვისი+“-ის ყოფილმა დირექტორმა საპატიმრო გუშინ დატოვა.
,,გუშინ დავტოვე საპატიმრო. დიახ სამაჯურით გამომიშვეს. უდოს კომისია მივმართე და მათი გადაწყვეტილება იყო. იმ კომპანიაში არ დავბრუნდები, თუმცა ვერ გეტყვით ჯერჯერობით ოჯახთან ვარ და ამას ვაპირებ. მომავალი გვაჩვენებს” – განაცხადა ფურცხვანიძემ ,,ტვ პირველთან”
ლაშა ფურცხვანიძეს 6-წლიანი პატიმრობა 2023 წლის 10 ივლისს მიესაჯა. მოსამართლემ ცხრა ბრალდებულიდან ერთი უდანაშაულოდ ცნო, რვას კი პატიმრობა შეუფარდა.
2022 წლის 13 ოქტომბერს, თბილისში, ვაკის პარკის შადრევანში ჩავარდნილი ბურთის ამოსაღებად ჩასულ 3 ბავშვს დენმა დაარტყა, მათგან ერთი, 13 წლის მარიტა მეფარიშვილი, გარდაიცვალა.
კომენტარები