ხარკოვის ოლქის ქალაქ კუპიანსკის მერი ღალატის ბრალდებით დააკავეს. ინფორმაციას The Kyiv Independent ავრცელებს და წერს, რომ ქვეყნის გენერალური პროკურორის განცხადებით ჰენადი მაზეჰორა რუსულ ძალებთან თანამშრომლობდა. დაკავებული მერი სავარაუდოდ მხარს უჭერდა ოკუპანტის ჯარებს, რომლებმაც მისი ქალაქი დაიკავეს.
სახელმწიფო ღალატის ბრალდებითაა დაკავებული ხარკოვის ოლქის კიდევ ერთი ქალაქის, პივდენიის მერი. გუბერნატორის განცხადებით, ალექსანდრ ბრიუხანოვი რუსულ ძალებთან სავარაუდო მოლაპარაკების გამო დააკავეს. მასთან ერთად კიდევ რამდენიმე ადამიანია დაკავებული.
კომენტარები