“რუსთავი2”-ის ოფიციალურ გვერდზე, სოციალურ ქსელში, მოქალაქე ნონა გაგნიაშვილი, წერს:
“მოგესალმებით, რადგან შიდა სმს და მონაწერებს არ პასუხობთ, მაშინ საჯაროდ მოგმართავთ რათა საზოგადოებამაც დაინახოს და ვნახოთ რამდენად ინტერესდებით თქვენ აქტუალური თემებით რასაც მკვლელობის გამოძიება და სამართალი ქვია.
საქმე ეხება ცნობილი ექიმის ოპერაციის შემდგომ პაციენტის სიკვდილის ფაქტს, სიკვდილის ფაქტი დადგა ოპერაციიდან მე 7 დღეს, ლ. სამხარაულის სასამართლო ექსპერტიზის ბიუროს პირველი ნაწილი რაც წარმოადგენს სხეულის გაკვეთის შედეგად მიღებულ ანატომიურ დასკვნას ზუსტად ასახავს ოპერაციის შედეგად მიყენებულ დაზიანებებს რამაც საბოლო ჯამში გამოიწვია პაციენტის გარდაცვალების ფაქტი. ჩატარდა შარდის ბუშტის ყელის ტრანსურერთული ჩაჭრა რეზექცია, დაზიანებები იყო ზუსტად შარდის ბუშტის ყელთან სისხლმდენი კერები, აღწერილია ლ. სამხარაულის პირველ დასკვნაში, შარდის ბუშტზე ნახვრეტები და პროსტატა სისხლმდენი კერები, დაზიანებებით!
თუმცა აღმოჩნდა ისე რომ ლ. სამხარაულის სასამართლო ექსპერტიზის კომისიური დასკვნა მოამზადა ბრალდებულის მეგობარმა და კომისიურ დასკვნაში აღნიშნა აბსურდული ფრაზა რომ ადამიანებს ხდება ხოლმე და ორგანოები თავისით ეხვრიტებათ, ექიმი სრულად გაამართლა რათა დაეხსნა პასუხისმგებლობიდან, რაც ბუნებაში არ ხდება მსგავსი რომ ორგანოები ასე თავისით იხვრიტებოდეს, მითუმეტეს როდესაც იმ მიდამოებში ჩატარდა ზუსტად ოპერაცია და ოპერაციის შემდგომ დამძიმდა პაციენტი. ერთადერთი ორგანო რომელიც მწვავე დაზიანების შედეგად თავისით გასკდეს როგორც წესი კუჭია. შესაბამისად ადგილი ქონდა ლ. სამხარაულის სასამართლო ექსპერტიზის პირველი დასკვნის შედეგების უგულველყოფას და კომისიურ დასკვნაში მათ გაყალბებას ცნობილი გავლენიანი კოლეგის სასარგებლოდ.
საბოლოო ჯამში დიდი წვალების და ბრძოლის შემდგომ დაინიშნა განმეორებითი კომისიური ექსპერტიზა პროკურატურიდან, ახლა იმისათვის რომ არ იკადრონ ექიმებმა და კოლეგიალურობიდან გამომდინარე, ისევ უსამართლობას არ ქონდეს ადგილი და ღიად გამჭვირვალედ ვიპოვოთ ამ ქვეყანაში სამართალი, საჭიროა ფართო საზოგადოებამ გაიგოს ეს ამბავი და მოვუწოდოთ საქართველოს ექიმებს რომ გამოიჩინონ პატიოსნება შეგნება კეთილსინდისიერება პატივი სცენ საკუთარ პროფესიას და არ შეუწყონ ხელი გაყალბებას როგორც ეს არ იკადრეს ლ. სამხარაულის სასამართლო ექსპერტიზის პირველი დასკვნის მომზადებელმა ექიმებმა.
შესაბამისად ტელევიზია გააშუქებს თუ არა ამ ფაქტს გამოჩნდება რამდენად ხართ დაინტერესებულნი ქვეყანაში მიმდინარე მართლა პრობლემური საკითხებით, თუ რა დონეზე იძირება ჭაობში ეს ქვეყანა თუკი ამას არ მოყვა ხმაური ? წესით საზოგადოებისთვის მნიშვნელოვანი საკითხია საქმე ეხება მკვლელობის ფაქტს და ამის გაყალბებას…. რისი განმეორებით დაშვება რომ არ მოხდეს ყველას ჩართულობით! პატივისცემით ნონა გაგნიაშვილი.”
კომენტარები