“საძმოს მეგობარი, ქრისტეს აღდგომის ტაძრის მცველი რაინდი” – რა ჯილდო მიენიჭა პრემიერს?

საქართველოს მთავრობის ადმინისტრაციის ინფორმაციით, პრემიერმინისტრი, ირაკლი ღარიბაშვილი იერუსალიმის პატრიარქმა, თეოფილოს III-მ ქრისტეს ყოვლადწმინდა საფლავის რაინდის ორდენითა და მაცხოვრის ძელიცხოველის გამშვენებული ჯვრით დააჯილდოვა.

საქართველოს მთავრობის ადმინისტრაციის ცნობით, დოკუმენტში, რომელიც დაჯილდოების ცერემონიაზე იერუსალიმის საპატრიარქოს მდივანმა, მთავარეპისკოპოსმა არისტარხოსმა წაიკითხა, წერია:

“წმინდა ქალაქ იერუსალიმისა და სრულიად პალესტინის პატრიარქი თეოფილე III ვანიჭებ ქრისტეს ყოვლადწმინდა საფლავის რაინდის ორდენს და ჩვენი მაცხოვრის ძელიცხოველის გამშვენებულ ჯვარს საქართველოს პრემიერ-მინისტრს, მის აღმატებულება ირაკლი ღარიბაშვილს, როგორც მაცხოვრის ყოვლადწმინდა საფლავის საძმოს მეგობარსა და ქრისტეს აღდგომის ტაძრის მცველს”.