“საძაგლობაა ქალთან ასე მოქცევა, ბოდიშს ვუხდი” – გვარამიას პირველი კომენტარი

ნიკა გვარამია, რომელმაც დატოვა რუსთავის ციხე, მედიასთან პირველი კომენტარი გააკეთა, ისაუბრა პრეზიდენტის შეწყალებაზე და იმ ფრაზებზე, რომლითაც ის სალომე ზურაბიშვილს მოიხსენიებდა და თქვა:

“ვფიქრობ მას ეს ჩემთვის არ გაუკეთებია, მან ეს გააკეთა საკუთარი ქვეყნისთვის, რომლის პრეზიდენტიცაა და ეს მას ღირსებას მატებს.

არ ვაპირებ გაჯიუტებული ვიყო ჩემ შეცდომაში, გულწრფელად გეტყვით, რომ ის ვიდეოები, რომელსაც დიდი ეჭვი მაქვს, ამ დღეების განმავლობაში გამოიყენებენ მის წინააღმდეგ, მე არ მომწონს ჩემი თავი ამ ვიდეოებში, საძაგლობაა ქალთან მიმართებით ასე მოქცევა, ვწუხვარ ამის გამო და ბოდიშს ვუხდი. არც ის უნდა გაჯიუტდეს თავის შეცდომაში, როგორც პრეზიდენტი და მან უნდა გაათავისუფლოს მიხეილ სააკაშვილი.

არ ვთვლიდი და არ ვთვლი  რომ შეწყალება უნდა მეთხოვა, მე უდანაშაულო მგონია თავი და ამას აუცილებლად დავამტკიცებ.”