“საბოლოოდ, ალბათ, “შავი გედი” და “გრანდ პი@დეცი” გამოჩნდება” – ზურაბ ფარჯიანი

დიპლომატი, ზურაბ ფარჯიანი:

თუ ბიძინას სანქციები ადარდებთ – ყველაფერი გააკეთეს და დღემდე ყველაფერს აკეთებენ, რომ ბიძინას სანქციები ედოს.

ვგულისხმობ იმას, რომ ყველა და ყველაფერი გადაიკიდეს და თან უაზროდ.

რომ არა “რუსული კანონი”, სავარაუდოდ ლიწინ-ლიწინით ჩაახრიგინებდნენ 2024 წლის არჩევნებს და ამაზე ნაკლები ხმაც არ ექნებოდათ, რაც ახლა.

მერეც, რომ არა 28 ნოემბერი და აქციების სასტიკი დარბევები – ბიძინას არავინ დაასანქცირებდა.

და მაგის მერეც ამერიკა-ევროპის გინება არ მგონია ხელს უწყობდეს სანქციების მოხსნას.

კაი, დავუშვათ არ ადარდებთ სანქციები და “სანქციები ჩვენ რას დაგვაკლებს ბიძი” რეჟიმში არიან.

და საერთოდაც იზოლაციონიზმი უნდათ.

მაშინ რას ეტენებიან კაცო ამ ევროპას და ხან კოპენჰაგენში იღებენ მაკრონთან სურათებს და ხან სხვა “გარყვნილ ევროპებში”?!

ან რას უღიმის მაკა ბოჭორიშვილი ლუქსემბურგის საგარეო საქმეთა მინისტრ მამაკაცს, რომელსაც ქმარი ჰყავს?!

“ღირსება”; “2 ფეხზე”; “სუვერენიტეტი” სად წავიდა?!

და აგერ ძმაო ალაზანი და ალაზანზე შეფრთხიალებული ხოხობი, არ გასწავლათ მურუსიძემ?!

“სტატუს ქვოს” დაბრუნება თუ უნდათ და ხვდებიან, რომ არც პროტესტი წასულა სადმე, ვერც გადააგორეს საბოლოო ჯამში და რაღაც ნაბიჯები უნდათ გადმოდიან, გამოუშვით პატიმრები და ოკ, დავილაპარაკოთ.

რამდენიმე დღის წინ ყაველამ, “თქვენმა პრეზიდენტმა” შეიწყალოსო. მამუკა ხაზარაძე და ბადრი ჯაფარიძე რომ “შეიწყალე” ყაველ, მაშინ როგორ იყო?!

მე არ მგონია პატიმრებმა ამათ შეწყალება თხოვონ და ბოდიშები უხადონ და პატიმრების და მათი ოჯახების თანხმობის გარეშე ვერც ერთი ოპოზიციონერი ვერ დაგიჯდებათ “ობერქოცენს” სალაპარაკოდ.

კაი, ახლა აქეთა ფლანგზე.

მთავარი პრობლემა:

პოლიტიკური პარტიის წევრები თუ აქტივისტები, ყველა ერთმანეთს ჭამს; დილიდან საღამომდე, 24 საათიან რეჟიმში;

არავის აქვს რამე მანდატი, ისაუბროს ან საზოგადოების სახელით, ან პროტესტის სახელით.

ყველას შეუძლია თავისი ამომრჩევლის სახელით ისაუბროს, მაგრამ ამას ფასი ექნება მხოლოდ მაშინ, თუ შეძლებენ რაღაც ერთი პოზიციით ისაუბრონ.

თორემ ახლა რომ გამოვიდეს პირობითად ყაველაშვილი და საკუთარი ინიციატივით პატიმრები შეიწყალოს, მერე გამოვიდეს კობახიძე და დავილაპარაკოთო – რა ხდება აქეთა მხრიდან?

მე რამე გზას ვხედავო ამ სიტუაციიდან – მოგატყუებთ. საბოლოოდ ალბათ რაღაც “შავი გედი” და “გრანდ პიზდეცი” გამოჩნდება, თუ ასე გაგრძელდა და ეგ იქნება.

უბრალოდ “ობერქოცებს” რა უნდათ, ეს მაინც გამაგებინა. აზიური სტილის დიქტატურას ამყარებენ და მაინც ევროპელებს უღიმიან და ევროპაში დარბიან. ჩამოყალიბდით.

“პოსტვ” და “ტვიმედი” – მაინც დაათრევთ ჩემი პოსტების “სქრინებს” და “ობერქოცენს” გადაეცით ეს საკითხები.