• რეკლამა
  • კონტაქტი
16:43, შაბათი, 29 ნოემბერი, 2025
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

საბავშვო ევროვიზია 2024-ის გამარჯვებული ანდრია ფუტკარაძე საქართველოში დაბრუნდა

ალია ავტორი - ალია
11:41 11-18-2024
- ახალი ამბები
A A
0
Facebook-ზე გაზიარება
416

საბავშვო ევროვიზია 2024-ის გამარჯვებული ანდრია ფუტკარაძე საქართველოში დაბრუნდა. თბილისის საერთაშორისო აეროპორტში ანდრია ფუტკარაძეს ოჯახის წევრები, მეგობრები, გულშემატკივრები და მუსიკალურ პროექტ „რანინას“ კონკურსანტები დახვდნენ.

„ძალიან გახარებული ვარ. ძალიან მიხარია, რომ საქართველოს კიდევ ერთხელ მოვუტანე გამარჯვება. როდესაც იქ ვიყავი, თავი სიზმარში მეგონა, მართლა. ძალიან გამიხარდა, ძალიან მაგარია, რომ მეგობრები აეროპორტში დამხვდნენ“, – აღნიშნა ანდრია ფუტკარაძემ.

გამარჯვებული სიმღერის ავტორის, გიგა კუხიანიძის თქმით, ევროვიზიის წლევანდელ კონკურსზე გამარჯვებას ელოდებოდა.

„ჩემი ინსპირაცია იყო ანდრიას საყვარელი ისტორია და სენტიმენტალური პატარ-პატარა ამბები, რომელმაც შექმნა ეს სიმღერა თავისი იდეით. დედიკოსთვის გავაკეთეთ, ასე ვთქვათ, საჩუქარი და გამოგვივიდა ასეთი საზეიმო წარმატება. ველოდებოდით გამარჯვებას, ახლა შემიძლია ამის თქმა. მანამდე ვერ ვიტყოდი ამას, მაგრამ დარწმუნებული ვიყავი, რომ ანდრიას ჰქონდა ის ნიჭი, რომელსაც შეეძლო, მოეხიბლა ჟიური, რაც მოხდა კიდეც. შესაბამისად, ამიტომ დაიწერა ასეთი სიმღერა. საერთოდ არ მეშინოდა, რომ ეს არ იყო, ასე ვთქვათ, საცეკვაო ან ტემპიანი სიმღერა. ზუსტად ვიცოდი, რა გათვლაც მქონდა. ძალიან დიდი მადლობა ამისთვის ანდრიას, რომ შეძლო და 100 პროცენტით, უმაღლეს დონეზე შეასრულა სიმღერა, მიიტანა მსმენელთან ისე, როგორც უნდა მიეტანა. ძალიან ვამაყობ ანდრიათი“, – განაცხადა გიგა კუხიანიძემ.

ევროვიზიაზე ქართული დელეგაციის ხელმძღვანელის, ნათია მშვენიერაძის თქმით, საზოგადოებრივი მაუწყებლის შემოქმედებითმა ჯგუფმა ძალიან ბევრი იმუშავა, რათა ევროვიზიაზე ასეთი შედეგი დამდგარიყო.

„დამთავრდა საბავშვო ევროვიზია. საქართველომ გაიმარჯვა. გაიმარჯვა ანდრია ფუტკარაძემ. ყველამ იცის, რომ საზოგადოებრივი მაუწყებლის ექსკლუზიური პროექტია საბავშვო ევროვიზია. მინდა, მივულოცო მთელ საქართველოს, საზოგადოებრივი მაუწყებლის შემოქმედებითმა ჯგუფმა ძალიან ბევრი იმუშავა იმისთვის, რომ ეს შედეგი დამდგარიყო. არაჩვეულებრივი პროექტი „რანინა“, ზოგადად ევროვიზიის ჯგუფი და მთლიანად საზოგადოებრივი მაუწყებლის ჯგუფი – ამ დაუღალავმა ჯგუფმა, მართლაც მუდმივმა კონტაქტმა ევროპის მაუწყებელთა კავშირთან, მუდმივად მუშაობამ, მოიტანა სწორედ ეს შედეგი, რითაც ძალიან ბედნიერი ვართ დღეს. ანდრიამ ძალიან გაგვახარა, როგორც ჩვენ, დელეგაცია, ასევე მთელი საქართველო“, – აღნიშნა ნათია მშვენიერაძემ.

ანდრია ფუტკარაძემ 239 ქულით საქართველოს საბავშვო ევროვიზიაზე მეოთხე გამარჯვებამოუტანა. ამ შედეგით საქართველო კონკურსის რეკორდსმენია.

ანდრია ფუტკარაძემ ჟიურისგან 180 ქულა მიიღო, ხოლო ონლაინ ხმებით – 59 ქულა. საქართველოს წარმომადგენელმა 12 ქულა 12 ქვეყნისგან დაიმსახურა.

ანდრია ფუტკარაძე მაყურებლის წინაშე სიმღერით To My Mom წარდგა, რომელიც გიგა კუხიანიძემ დაწერა. მასთან ერთად, ტექსტზე მაკა დავითაიამ იმუშავა. ვიდეორგოლი საზოგადოებრივმა მაუწყებელმა გადაიღო, კოსტიუმების ავტორი კი იზა ნადარეიშვილია.

საბავშვო ევროვიზია 2024 ესპანეთის დედაქალაქ მადრიდში გაიმართა, რომელშიც 17 ქვეყანა მონაწილეობდა.

კომენტარები

რედაქტორის რჩევით

,,ჰაბიბი გოგოს” ძვირადღირებული ცხოვრება და საეჭვო ფაქტები, რომლითაც ,,ზემოთ” უნდა დაინტერესდნენ?!
ახალი ამბები

,,ჰაბიბი გოგოს” ძვირადღირებული ცხოვრება და საეჭვო ფაქტები, რომლითაც ,,ზემოთ” უნდა დაინტერესდნენ?!

21:15 11-25-2025
როგორ და რა მეთოდებით ცდილობს მარიამ ქვრივიშვილი ირაკლი კობახიძის თანამდებობის დაუფლებას და უნდა თუ არა მისი კანდიდატურა, რეალურად, ბიძინა ივანიშვილს?
ახალი ამბები

როგორ და რა მეთოდებით ცდილობს მარიამ ქვრივიშვილი ირაკლი კობახიძის თანამდებობის დაუფლებას და უნდა თუ არა მისი კანდიდატურა, რეალურად, ბიძინა ივანიშვილს?

22:56 11-10-2025
ახალი ამბები

ამ სქემით, გამოდის, რომ ილია ჯალაღონიამ საკუთარ სს საქმეს ბეჭედი უნდა დაუსვას და ციხეში საკუთარი ფეხით წავიდეს – რას წერდა „ალია“ 10 წლის წინ?

15:37 10-30-2025
მეტროში “მოულოდნელი გარდაცვალების” სკანდალური დეტალები
ახალი ამბები

მეტროში “მოულოდნელი გარდაცვალების” სკანდალური დეტალები

21:28 10-16-2025

ბიზნესი

“აისრულე სურვილები სრულად“ – ლიბერთის ზამთრის ახალი შეთავაზება
ახალი ამბები

“აისრულე სურვილები სრულად“ – ლიბერთის ზამთრის ახალი შეთავაზება

19:00 11-28-2025
თიბისი კაპიტალმა და ამერიკის სავაჭრო პალატამ წლის შემაჯამებელი ღონისძიება გამართეს
ახალი ამბები

თიბისი კაპიტალმა და ამერიკის სავაჭრო პალატამ წლის შემაჯამებელი ღონისძიება გამართეს

14:31 11-28-2025
რა განაპირობებს სავალუტო ბაზარზე არსებულ სიჭარბეს? – თიბისი
ახალი ამბები

რა განაპირობებს სავალუტო ბაზარზე არსებულ სიჭარბეს? – თიბისი

13:58 11-28-2025
ნანატრი დღეები გორგიაში გრძელდება
ახალი ამბები

ნანატრი დღეები გორგიაში გრძელდება

08:00 11-28-2025
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • არქივი

Powered By || Web Features || © 2025 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • კონტროლი
  • გურმანი
  • სხვადასხვა
  • რეკლამა
  • კონტაქტი

Powered By || Web Features || © 2025 Alia.ge - All rights reserved