“ლელოს” ლიდერი, მამუკა ხაზარაძე, “ტვ პირველთან” ამბობს:
მიხეილ სააკაშვილის ჩამოსვლა საქართველოში იყო შეცდომა, ეს აღიარეს მისი ოჯახის წევრებმა და დარწმუნებული ვარ, თვითონაც აღიარებს ამას. მიხეილ სააკაშვილს უმტყუნეს და უღალატეს მისმა გარემოცვამ, იმედია, დადგება მომენტი, როცა ის ამას გაარკვევს. მიხეილ სააკაშვილს ისე ექცევიან და ისეთ პირობებში ამყოფებენ, რომ მის სიცოცხლეს ნამდვილად საფრთხე ემუქრება და შეიძლება მივიღოთ, ღმერთმა დაიფაროს, გამსახურდიას მსგავსი პრეცედენტი, რომელსაც ვერასდროს ვეღარ ამოვშლით მეხსიერებიდან და ამ ლაქას ვერასდროს ვერ ჩამოვირეცხავთ და ჩემი პოზიცია ურყევია, მას უნდა მიეცეს, თანამედროვე, ევროპულ კლინიკაში მკურნალობის და სიცოცხლის გადარჩენის უფლება.
ამ ქვეყანაში ღალატი უნდა დამთავრდეს, ორპირობა უნდა დამთავრდეს და ალბათ, ყველაფერს ფარდა აეხდება, როცა იგი იქნება იმ მდგომარეობაში, რომ შეეძლება ამ ყველაფერს გასცეს პასუხი.
მიხეილ სააკაშვილის ჩამოსვლამ და მისმა დაკავებამ პირველ ოქტომბერს, როცა 2 ოქტომბერს გვქონდა არჩევნები, მთლიანად შეცვალა ქართული ოპოზიციის მდგომარეობა, ჩვენ გვქონდა მანამდე ყველა დათვლებით ვიგებდით, ვუგებდით ხელისუფლებას, შარლ მიშელის დოკუმენტით გვქონდა უზარმაზარი შანსი, 43 პროცენტიანი ბარიარის პირობებში რიგგარეშე არჩევნების მოთხოვნის – სამწუხაროდ, ეს ყველაფერი გადალაგდა ისევ ორპოლუსიანობაზე.
თუ ჩვენ დასკვნები არ გავაკეთეთ და არ ვაღიარეთ და არ ეყო ყველას იმის ვაჟკაცობა თქვას, რა იყო შეცდომა, სულ ასე წრეზე ივლის ოპოზიციაც და საზოგადოებაც. ხვალ და ზეგ როგორ უნდა იმოქმედოს ოპოზიციამ ამაშია საქმე, თორემ, ჩავარდნილები ვართ, ქართული ოცნების ხელში, რომელიც პირდაპირ მიგვათრევს რუსეთის იმპერიაში.
კომენტარები