“სააკაშვილს რეალური პოლიტიკური მიზნები აქვს, ივანიშვილისთვის კი პოლიტიკა ინსტრუმენტია საკუთარი მიზნებისათვის” – გამზარდია

ანალიტიკოსი, არჩილ გამზარდია:

„მიხეილ სააკაშვილი ერთადერთი ადამიანია, ვისაც რეალურად პოლიტიკური მიზნები აქვს – იცის, რა უნდა და იცის, როგორ უნდა.
მეორე ადამიანი ბიძინა ივანიშვილია, ვინც იცის, რა უნდა და იცის, როგორ უნდა, მაგრამ მას პოლიტიკური მიზნები არ აქვს, პოლიტიკა მისთვის ინსტრუმენტია საკუთარი მიზნებისათვის.

დანარჩენი პოლიტიკური სუბიექტებიდან, ზოგმა იცის რა უნდა, მაგრამ არ იცის, როგორ უნდა მიაღწიოს, ზოგმა არც ის იცის, რა უნდა და არც ის, როგორ მიაღწიოს. ზოგსაც, მხოლოდ კერძო მიზნები აქვს და საერთო პოლიტიკურ ნამცხვარს რასაც მოაგლეჯს, ან იმას ყაბულდება ან მუდმივად უტრიალებს ნამცხვარს, იქნებ რომელიმე კუთხიდან კიდევ წაცინცლოს რაღაც.

რა გვინდა და რა არ გვინდა, რა მოგვწონს და რა არ მოგვწონს, ესაა ჩვენი მოცემულობა. ესაა ჩვენი სურათი. ყველა დანარჩენი ან კოსმეტიკა ვართ ან დეკორაცია, ან მცირედ დონ-კიხოტები.”