კლინიკა „ვივამედში“ ექსპრეზიდენტ მიხეილ სააკაშვილის ცენტრ „ემპათიას“ ექსპერტები დღეს კიდევ ერთხელ მოინახულებენ. მათი თქმით, აუცილებელია სააკაშვილის საზღვარგარეთ, სპეციალიზებულ კლინიკაში გადაყვანა.
ოთარ თოიძის თქმით, მკურნალობა, რომელიც მიხეილ სააკაშვილს ამჟამად უტარდება, მდგომარეობას ვერ აუმჯობესებს.
„უნდა მოვინახულოთ პრეზიდენტი, ვინაიდან მასთან ბოლო ვიზიტი იყო 2 კვირაზე მეტი ხნის წინათ და უბრალოდ, პროტოკოლურად აუცილებელია მისი ჯანმრთელობის მდგომარეობის შემოწმება. მისი მკურნალობა არ მიმდინარეობს ისე, როგორც საჭიროა.
ალტერნატიული კომისია მოითხოვდა თავიდანვე უცხოელი ექსპერტების ჩართვას და ჩვენს საექსპერტო ჯგუფში არის უცხოელი ექსპერტი უკვე. თუ ვინმე დამატებით გამოთქვამს სურვილს, რომ მონაწილეობა მიიღოს, ჩვენ მივესალმებით ამას, ვინაიდან, დარწმუნებული ვართ, უფრო გაამყარებენ ჩვენს არგუმენტებს“, – აცხადებს ნევროლოგი ოთარ თოიძე.
კომენტარები