“ენმ”-ის ერთ-ერთი ლიდერი, ეკა ხერხეულიძე:
“მისი ჯანმრთელობის მდგომარეობა მძიმდება, არის ძალიან სუსტად, თუმცა, უარს არ ამბობს პაემნებზე, რაც იმას ნიშნავს, რომ შეუძლია კომუნიკაცია ჰქონდეს ადამიანებთან, მისი საკანი არის მესამე სართულზე, პირველ სართულზეა შეხვედრების ოთახი და ძალა სჭირდება გადაადგილებას. ნაკლებ საუბრობს ყველა პრობლემაზე, სჭირდება დახმარება თუ არა, ამაზეც ნაკლებს საუბრობს. სირთულეა, რა თქმა უნდა, დასიებული, შეშუპებული სახსრებით გადაადგილება.
არ არსებობს მექანიზმი, რომელიც სააკაშვილზე ზეწოლას იქონიებს, მისი ფსიქოტიპი ზეწოლას არ ემორჩილება, მეც ყოველი შეხვედრისას, ვიმეორებ ჩემ თხოვნას, მისი პასუხია ასეთი – მე ივანიშვილის ციხეში ჩასაჯდომად არ ჩამოვსულვარ, ჩამოვედი, რომ ბრძოლაში მონაწილეობა მივიღო და ამ ბრძოლას მივიყვან ბოლომდე. მეორე ტურებია ახლა და მთავარი ამოცანა სააკაშვილის ჯანმრთელობის კვალდაკვალ არის მეორე ტურების პროცესი. გარდამტეხი დღე იქნება 30 ოქტომბერი. რაც შეეხება მეორე ტურამდე მისი გათავისუფლების შესაძლებლობას, შესაძლებლობა… კარგი იქნებოდა, საერთოდ არ დაეპატიმრებია სააკაშვილი ოცნება ციხეში ყოფნა არ იყო, მისი ოცნება იყო ხალხთან ერთად ყოფილიყო, მაგრამ მოხდა ის, რაც მოხდა…
ადეკატური იქნება ნაბიჯები, მოწოდება არის ეს – საარჩევნო პროცესი არ შეწყდეს, პირიქით, უფრო მძაფრი გახდეს და ყველაფერი გავაკეთოთ, მეორე ტურისთვის, დანარჩენი რა თქმა უნდა, მისი ჯანმრთელობის მდგომარეობის დამძიმება, თავისთავად, ბუნებრივად შეცვლის პროცესებს, წინასწარ მე ამის თქმა და დაანონსება არ შემიძლია, ამაზე ხელოვნურად ნაფიქრი არავის აქვს. ყოველ დღე მადლიერები ვართ ,რომ ის ჯანმრთელად არის, შეუძლია ჩვენთან კომუნიკაცია და ვისურვებდით მალე შეწყვეტილიყო შიმშილობის პროცესი, მართლა სერიოზულად ზიანდება მისი ჯანმთელობის მდგომარეობა. მე არ ვეკუთვნი იმ რიგს, რომ მაინცდმაიანც უნდა შეეწიროს მსხვერპლად ეს ადამიანი 30 ოქტომბერს. მე მესმის იმ პოლიტიკური ფასის, ამ ერთი ადამიანის ბრძოლის აქტისაც, რასაც ის აწარმოებს, მაგრამ, ჩემი აზრით, გაცილებით მნიშვნელოვანია ის იყოს ჯანმრთელი.”
კომენტარები