“სააკაშვილის გადაყვანა, ვფიქრობ, მოხდება ღამის საათებში, რომ გადაიყვანენ, მერე შევწყვეტ შიმშილობას, არ მჯერა მე მათი” – ბურჭულაძე

საოპერო მომღერალი, პაატა ბურჭულაძე, რომელიც მიხეილ სააკაშვილის კლინიკაში გადაყვანის მოთხოვნით შიმშილობს, ამბობს:

“სააკაშვილის გადაყვანა, ვფიქრობ მოხდება ღამის საათებში, დილის 3 საათზე, ან 5 -ზე, მანამდე ეს არ მოხდება. მინდა ჩემი თვალით ვნახო, როგორ გამოიყვანენ და როგორ შეიყვანენ. მაშინ ვიქნები კმაყოფილი და ვიტყვი, რომ ვწყვეტ შიმშილს. რა ვქნა, მათი სიტყვის ნდობა არ შეიძლება, შეიძლება სამჯერ შეიცვალონ აზრი, ყველაფერი ფეიკია მათთვის რაც კი ნამდვილია და ამ დროს თავად არიან ფეიკები. დაველოდები არსად არ მეჩქარება. არ მჯერა მე მათი ბოლომდე, ისინი არიან საერთაშორისო თაღლითები.

დიდი სურვილი მქონდა თოფი ამეღო და გამოსვულიყავი ქუჩაში, მაგრამ ამის გაკეთება არ შეიძლება. ერთადერთი რაც შემეძლო, ჩამოვსულიყავი და დამეწყო შიმშილობა.”