ტვ პირველის ინფორმაციით, გომელაურის უწყებამ რუსეთიდან 2 მილიონამდე ლარის ღირებულების რუსული კატერები იყიდა და კატარღების ფული, სანქციების გამო რომ ვერ გადარიცხეს, რუსეთში ჩანთით ჩაიტანეს.
მედიის ცნობით რუსული კომპანია “რუს ბოტის” 4 კატარის შესაძენად შინაგან საქმეთა სამინისტრომ მილიონ 920 ათასი ლარი გადაიხადა. ტენდერს ერთადერთი მონაწილე და გამარჯვებული ჰყავდა – ბათუმში რეგისტრირებული კომპანია “ვიტა”.
კომპანიის მფლობელი “შაბათის ეთერს” უყვება, რომ შინაგან საქმეთა სამინისტროსთვის წინასწარვე ცნობილი იყო, რომ ისინი, რუსული კატარღების ყიდულობდნენ და პრობლემა არ ჰქონია. კომპანია “ვიტა”, რომელმაც შინაგან საქმეთა სამინისტროს რუსული კატარღები მიაწოდა, ამბობს, რომ საქართველოში ის, არა მხოლოდ რუსული არამედ ამერიკული და თურქული კატარღების მწარმოებელი კომპანიების წარმომადგენელია, თუმცა გომელაურის უწყებამ არჩევანი მაინც რუსულზე შეაჩერა.
კატარები, რომელიც შინაგან საქმეთა სამინისტრომ რუსული კომპანიისგან იყიდა, მოსკოვთან ახლოს, “რუსბოტის” ქარხანაშია წარმოებული.
კომპანიას, რომლისგანაც შს სამინისტრომ ოთხი კატარღა იყიდა, ორი მფლობელი ჰყავს, ორივე პუტინის პარტიის “ედინაია რასიას” დეპუტატია.
კომენტარები