რუსეთის ფედერაციის სავაჭრო-სამრეწველო პალატაში რუსულ-ქართული ბიზნესსაბჭო შეიქმნა.
საბჭოს პირველი სხდომა მოსკოვში უკვე გაიმართა. ხელმძღვანელად IK Rumb-ის დირექტორთა საბჭოს ხელმძღვანელი იური ბალაშოვი აირჩიეს, ხოლო მოადგილეებად რუსეთის ფედერაციის სავაჭრო-სამრეწველო პალატის ვიცე-პრეზიდენტი ვლადიმერ პადალკო, შპს ალაზანი-ედემის პრეზიდენტი სემიონ ნადაშვილი და რუსეთში საქართველოს FNKA-ს პრეზიდენტი დავით ცეცხლაძე.
“რუსეთ-საქართველოს ბიზნეს საბჭოს მთავარი მიზანია შექმნას ახალი შესაძლებლობები ორ ქვეყანას შორის ეკონომიკური ურთიერთობების განმტკიცებისთვის.” – ნათქვამია ინფორმაციაში, რომელსაც რუსული მედია ავრცელებს.
შეგახსენებთ, მოსკოვში გუშინ ეკონომიკური ფორუმიც გაიმართა, სადაც “რუსეთ-საქართველოს შორის, ეკონომიკური ურთიერთობების განვითარების პერსპექტივებზე” იმსჯელეს და დაანონსეს გეგმაც: უვიზო მიმოსვლა, ფრენების აღდგენა, ღვინის სერთიფიცირების ლაბორატორია და რუსულ-ქართულ უნივერსიტეტის დაარსება.
კომენტარები