რუსეთის ფედერაციის უკრაინაში სრულმასშტაბიანი შეჭრის დაწყებიდან 412-ზე მეტი ბავშვი დაშავდა, მათგან 158 დაიღუპა და 254-ზე მეტი დაიჭრა. ამის შესახებ ინფორმაციას უკრაინის გენერალური პროკურატურა ავრცელებს.
„ეს მონაცემები არ არის საბოლოო, რადგან მიმდინარეობს მუშაობა აქტიური საომარი მოქმედებების ადგილებში და მტრის მიერ დროებით ოკუპირებულ ტერიტორიებზე. კერძოდ, ქალაქ მარიუპოლის, კიევის, ჩერნიგოვისა და ლუგანსკის რეგიონების ზოგიერთ რაიონში“, – ვკითხულობთ პროკურატურის განცხადებაში.
პროკურატურის ინფორმაციით, არასრულწლოვნები ყველაზე მეტად დაზარალდნენ კიევში – 75, დონეცკში – 71, ხარკოვში – 56, ჩერნიგოვში – 46, ნიკოლაევში – 31, ლუგანსკში – 31, ზაპოროჟიეში – 22, ხერსონში – 29, სუმიში – 16, ჟიტომირში – 15.
კომენტარები