ქალი, რომელსაც გარდაბანში კორონავირუსი დაუდასტურდა, რუსთავის აგრარულ ბაზარში ვაჭრობდა. საუბარია რუსთავის “ძველ ბაზარზე”. ამის შესახებ ინფორმაციას სოფლის რწმუნებული ადასტურებს.
მისივე განცხადებით, ქალისგან ოჯახის სხვა წევრებიც დაინფიცირდნენ.
„გუშინ გარდაბნის რაიონში, სოფელ ბირლიკში მცხოვრებ ქალბატონს მართლაც დაუდასტურდა კორონავირუსი, ვისგანაც შემდგომ მისი მეუღლე და ასევე მისი ძმა და რძალი დაინფიცირდნენ. სოფელში ჯერჯერობით ეს ოთხი დადასტურებული შემთხვევაა. არ ვიცი, მას კიდევ რამდენ ადამიანთან ჰქონდა კონტაქტი, ან ვინ იყო პირველწყარო. ეს ქალბატონი რუსთავის აგრარულ ბაზარში მუშაობდა და არ არის გამორიცხული, სხვა დაინფიცირებულებიც გამოჩნდნენ. დღეს ტესტირება კეთდება სოფელში და დანარჩენი ტესტირების შემდეგ გამოჩნდება“, – განაცხადა სოფლის რწმუნებულმა ილგარ მურადოვმა.
“ინფო რუსთავი” ფაქტის გადამოწმების მიზნით რუსთავის “ძველი ბაზრის” დირექტორს გოჩა ხუციშვილს დაუკავშირდა. აღმოჩნდა, რომ ხუციშვილს საკითხთან დაკავშირებით ჯერჯერობით არანაირი ინფორმაცია არ აქვს.
ინფო რუსთავი
კომენტარები