CNN-ის ცნობით, აშშ-ს აქვს ინფორმაცია, რომ რუსეთმა დაავალა ოპერატიულ ჯგუფს აღმოსავლეთ უკრაინაში ყალბი დროშით ოპერაციის ჩატარება, რათა უკრაინაში შეჭრის საბაბი ხელოვნურად შეექმნა. ინფორმაცია მედიას, აშშ-ის მთავრობის ოფიციალურმა წარმომადგენელმა მიაწოდა და მასალა 14 იანვარს გავრცელდა.
მედიის თქმით, აშშ-ს აქვს მტკიცებულება იმისა, რომ ოპერატიულები გაწვრთნილი არიან ომში და ასევე ასაფეთქებელი ნივთიერებების გამოყენებაში.
”რუსი სამხედროები გეგმავენ ამ მოქმედებების დაწყებას სამხედრო შეჭრამდე რამდენიმე კვირით ადრე, ეს შეიძლება დაიწყოს იანვრის შუა რიცხვებიდან თებერვლის შუა რიცხვებში”, – თქვა ოფიციალურმა წარმომადგენელმა.
შეგახსენებთ, რამდენიმე დღის წინ უკრაინის სამთავრობო ვებგვერდები კიბერთავდასხმის მსხვერპლი გახდა. დღეს კი ვრცელდება ინფორმაცია, რომ რუსეთს უკრაინიდან დიპლომატები გაჰყავს.
კომენტარები