ლუგანსკის საოლქო სამხედრო ადმინისტრაციის მეთაური სერგეი გაიდაი ავრცელებს ინფორმაციას, იმაზე, რომ რუსეთის სამხედრო ძალებმა აღმოსავლეთ უკრაინაში ქალაქი კრემინა დაიკავეს. გავრცელებული ინფორმაციით, 3 დღიანი ბრძოლის შემდგომ უკრაინის სამხედრო ძალებმა ქალაქი დატოვეს.
“ჩვენს დამცველებს უკან დახევა მოუწიათ. უკრაინის სამხედრო ძალებმა ახალი პოზიციები დაიკავეს და რუსეთის ჯარების წინააღმდეგ ბრძოლას განაგრძობენ”.”ქალაქ კრემინაში ოკუპანტებმა მშვიდობიანი მოქალაქეების მანქანას ესროლეს. 4 პირი დაიღუპა, 1 კი დაშავდა. ეს ადამიანები ქალაქის დატოვებას თავად ცდილობდნენ. არ სცადოთ ქალაქიდან წასვლა თქვენით, ეს ძალიან საშიშია”. – თქვა გაიდაიმ.
თუ გავრცელებული ინფორმაცია სიმართლეს შეესაბამება, კრემინა პირველი ქალაქი იქნება, რომელიც რუსეთმა აღმოსავლეთ უკრაინაში დაიკავა.
შეგახსენებთ, 17 აპრილს რუსეთის სამხედრო ძალები ლუგანსკის ოლქში, ქალაქ კრემინაში შევიდნენ.
ლუგანსკის საოლქო სამხედრო ადმინისტრაციის ინფორმაციით, ოკუპანტებმა უკრაინაში, ლუგანსკის ოლქის ქალაქ კრემინაში მშვიდობიანი მოქალაქეების მანქანას ცეცხლი გაუხსნეს. დაშავებულთან ექიმების მისვლა ამ დრომდე ვერ ხერხდება, რადგან ოკუპანტები ქალაქზე იერიშს კვლავ აგრძელებენ.
კომენტარები