“რუსეთის რევერანსი ჩვენ მიმართ, ჩვენთვის არაფერს ნიშნავს” – თალაკვაძე

ქართული ოცნების დეპუტატი, არჩილ თალაკვაძე ამბობს, გრიგორი კარასინის განცხადებას ეხმაურება და ამბობს “საქართველოს ხელისუფლებისთვის არაფერს ნიშნავს”.

“როცა რუსეთის ფედერაციის მხრიდან კეთდება პოლიტიკური განცხადებები, ამას პირველი საქართველოში ყოველთვის ეხმიანება და აიტაცებს ხოლმე ნაციონალური მოძრაობა, რადიკალური ოპოზიციური ბანაკი, შესაბამისად, არსებობს გონივრული ეჭვები, რომ სწორედ საქართველოს შიდაპოლიტიკურ სისტემაში დესტრუქციული ძალებისთვის კეთდება ხოლმე ასეთი განცხადებები.

მე მოველი, რომ ამ განცხადების შემდეგ უკვე ნაციონალური მოძრაობა და მისი მართული მედია იქნება გატაცებული ამ საკითხით და ძალიან ბევრ განცხადებებს გააკეთებენ, სინამდვილეში არც ერთი ასეთი შექება, არც ერთი ასეთი რევერანსი რუსეთის ფედერაციის მხრიდან საქართველოს ხელისუფლებისთვის არ ნიშნავს არაფერს. ჩვენ გვაქვს ჩვენი მკაფიოდ განსაზღვრული პოლიტიკა. საქართველოს ტერიტორიების 20 პროცენტი გახლავთ ოკუპირებული და საქართველო განაგრძობს დასავლეთთან ერთად თავის ტერიტორიების დეოკუპაციას მშვიდობიანი გზებით, საერთაშორისო სამართლებრივი მექანიზმებით“.

რუსეთის საგარეო საქმეთა სამინისტროს წარმომადგენელმა, გრიგორი კარასინმა თქვა, რომ  რომ უკრაინაში შეჭრის შემდეგ რუსეთისთვის დაკისრებულ სანქციებზე საქართველოს პოზიცია “გაწონასწორებული” იყო. მისივე თქმით, რუსეთში ეს ფაქტი “შეუმჩნეველი არ რჩება”.