“რუსეთის მძიმე მდგომარეობის შეჯამება უკრაინაში – ის რაც რუსეთის არმიას ბოლო დღეებია დაემართა, ომის პირველ კვირებს თუ შეედრება” – გიორგი კობერიძე

რუსებმა სამთვიანი შეტევის შემდეგ სუმის ოლქში მაქსიმუმ 13 კილომეტრით შეიწიეს სიღრმეში. თუმცა დანაკარგები მათ რიგებში დაახლოებით 60%-ნია, ზოგჯერ 92%-საც კი აღწევს, რაც კატასტროფული შედეგია.

რუსულმა არმიამ სოფელ იუნაივკამდე მიაღწია, მაგრამ მისი აღება ვერ შეძლო. ამის საპირისპიროდ უკრაინელებმა ანდრიივკა გაათავისუფლეს და ახლა რამდენიმე დასახლების დაბრუნებას ცდილობენ.

გამორჩეულად გაიზარდა დეზერტირობის მაჩვენებელი რუსულ არმიაში. სასიკვდილო ამოცანაზე წასვლის თავის არიდება ცოცხლად დამარხვით, ბაწარზე გამობმევითა და თრევით ან დახვრეტით მთავრდება. ამას კი თავად იღებენ და აშუქებენ ხოლმე, სხვების დასაშინებლად.

დაღუპულთა რიცხვი მზარდია ჩრდილოეთ კორულ დანაყოფებშიც, რომელთა საჯარო დატირებაც კიმ ჩენ ინიმ გუშინ განახორციელა. დანაკარგები მათ რიგებში ყველაზე კონსერვატიული შეფასებით 6000-ია.

აღსანიშნავია ისიც, რომ რუსებმა სუმის ოლქზე შეტევა კურსკის ოლქის დაბრუნების შემდეგ წამოიწყეს. მაგრამ ახლა სიტუაცია არც აქ აქვთ სახარბიელო. უკრაინელებმა ისევ გადაკვეთეს რამდენიმე მიმართულებაზე რუსეთ-უკრაინის სახელმწიფო საზღვარი და პერიფერიებში თავდასხმები განაახლეს.

უკრაინული არტილერია და დრონები სუმის ოლქში შემოსულ რუსულ მომარაგების ხაზებსა და ცენტრაულ შტაბებს ურტყამს. ბოლო 72 საათი ამ მხრივ გამორჩეულად აქტიურობენ უკრაინელები. მათი მხრიდან საჰაერო იერიშები მიმდინარეობს კურსკის, ვორონეჟისა და როსტოვის ოლქებზე. დაიბომბა ოკუპირებული დონეცკიცა და ლუგანსკიც. დონეცკის ოლქში ქალაქი იასინუვატას სამრეწველო ცენტრი განადგურდა. უკრაინელები იერიშისას როგორც თავისი წარმოების დრონებს უშვებენ, ასევე ბრიტანულ Storm Shadow-ებს. მოწინააღმდეგის ზურგში დარტყმები არამხოლოდ არსებული შეტევების შენელებაზეა გათვლილი, არამედ პოტენციური კონტრშეტევის წინაპირობაც შეიძლება გახდეს.