“რუსეთის ჯარების გაყვანას ითხოვს ევროკავშირი – ესენი კი აგინებენ” – დავით ზურაბიშვილი

პოლიტოლოგი, დავით ზურაბიშვილი:

ჰოდა, სადაც კი ეს ინფორმაციაა ინტერნეტში, ყველგან შესეულები არიან ოცნების მომხრეები, რომელთაგან ვინ ტროლია, ვინ ბოტი და ვინ რეალური პერსონა, კაციშვილი ვერ გაარჩევს და მიდის დიდი გნიასი: “თქვენი ნატრაკი არ გაიშვა”, “გაქცეულან აბა რუსები ამათი შიშით”, “ფეხები არ მოჭამოთ პუტინს” და ა. შ. და ა. შ. უცენზურო გინებებს აღარ დავაციტატებ.

ვიმეორებ: რუსეთის ჯარების გაყვანას ითხოვს ევროკავშირი საქართველოდან.

რუსეთის ჯარების გაყვანას.

საქართველოდან.

ესენი კი აგინებენ.

მართლა მაინტერესებს: ვინაა ეს ხალხი, რა ჯიშისაა და რანაირად გადააგვარა ასე მამაძაღლმა სეთურმა და მოსასპობმა თაბაგარმა?

თუმცა, რა მიზეზიც არ უნდა იყოს, მაინც ფაქტია: არაა ეს ხალხი ჯანმრთელად, არა!

“ქართულ ოცნებაში” აკრიტიკებენ ევროკავშირის უმაღლეს წარმომადგენელს, რომელიც საქართველოდან რუსული ჯარების გაყვანას ითხოვს.

ევროკავშირმა კაია კალასის ხელმძღვანელობით, სამუშაო დოკუმენტი გაავრცელა, სადაც რუსეთთან მოლაპარაკებების პირობებში საქართველოს ოკუპირებული ტერიტორიებიდან რუსული ჯარის გაყვანაზეა საუბარი.

დოკუმენტში ასახულია, თუ რა დათმობებზე უნდა წავიდეს რუსეთი უკრაინასთან მიმდინარე დიპლომატიურ მოლაპარაკებებში, რომელშიც შეერთებული შტატები შუამავლობით მონაწილეობს.

დოკუმენტი 23 თებერვალს ბრიუსელში საგარეო საქმეთა მინისტრების შეხვედრისას განხილვის საგანი გახდება.