“რუსეთი საქართველოსაც ჩაყლაპავს და სხვებსაც, ვინც ჩაეყლაპინება” – უსუფაშვილი

“ლელოს” წევრი დავით უსუფაშვილი ოკუპირებულ ტერიტორიებზე რუსული სამხედრეო ბაზების განთავსების საკითხზე საუბრისას, ამბობს:

რუსეთი თავისი იმპერიალისტური ინტერესების დასაკმაყოფილებლად საქართველოსაც ჩაყლაპავს და კიდევ სხვებსაც, ვინც ჩაეყლაპინება. იმის ნაცვლად, რომ „ქართული ოცნება“ ასეთ კრიტიკულ მომენტში სტრატეგიულ პარტნიორებთან რაც შეიძლება მჭიდრო ურთიერთობაში შედიოდეს, ისინი სტრატეგიულ პარტნიორებს ადანაშაულებენ, რომ თითქოს ისინი ცდილობენ საქართველოში მეორე ფრონტის გახსნას და საქართველოს ჩაძირვას და გაუბედურებას. ეს არის წარმოუდგენელი არასახელმწიფოებრივი ქმედება, ეს არის დემონსტრირება, ბჟანიას ეს განცხადება, კიდევ ერთხელ იმისა, რომ კარგად დავინახოთ, ვინაა მტერი და ვინაა მოყვარე. „ოცნება“ მოყვარეს მტრობს და მტერთან არის გასუსული და ხშირად მის მესიჯებს იმეორებს.