რუსულმა ძალებმა ოდესის ოლქში საპორტო და სამრეწველო ინფრასტრუქტურას შეუტიეს, რის შედეგადაც ერთი ადამიანი დაიღუპა და ორი დაშავდა, – ინფორმაციას უკრაინული მედია ოდესის საოლქო – სამხედრო ადმინისტრაციის ხელმძღვანელზე, ოლეგ კიპერზე დაყრდნობით ავრცელებს.
„ღამით მტერმა კვლავ შეუტია ოდესის ოლქში საპორტო და სამრეწველო ინფრასტრუქტურას. ერთი ადამიანი დაიღუპა და ორი დაშავდა“, – აღნიშნა კიპერმა.
თავდასხმის შედეგად ადმინისტრაციული, საწარმოო და სასაწყობო ობიექტები დაზიანდა. ზოგიერთ ობიექტზე ხანძარი გაჩნდა, რომელიც მაშველებმა ჩააქრეს.
გარდაცვლილის ცხედარი ნანგრევებიდან ამოიყვანეს. დაშავებულებს საჭირო სამედიცინო დახმარება უტარდებათ.
კომენტარები