“ევრონიუსის” ცნობით , კორონავირუსით ინფიცირების შემთხვევების ზრდის მიუხედავად, რუმინეთის მართლმადიდებელი ეკლესიის მღვდლები მრევლის ერთი კოვზით ზიარებას აგრძელებენ.
გამოცემასთან ინტერვიუში, რუმინელ ექიმთა ალიანსის ხელმძღვანელმა, ექიმმა თანასიმ განაცხადა, რომ მღვდლების უმრავლესობა ვერ აცნობიერებს ვირუსით გამოწვეულ რისკებს.
” მღვდლების უმრავლესობას არ ესმის რა ხდება რეალურად, ფაქტია, რომ არ აქვთ პატრიარქის ნებართვა ისინი რიტუალებს მაინც ატარებენ.
მიუხედავად იმისა რომ ეკლესიამ მრევლს ნება დართო გამოეყენებინათ საკუთარი კოვზები, სასულიერო პირიბი მაინც საერთო კოვზით აზიარებენ მათ.
ეს საქციელი ნათელი მაგალითია იმისა, რომ მათ არასერიოზული დამოკიდებულება აქვთ ინფექციისა და მასთან დაკავშირებული პრობლემების მიმართ” – აღნიშნა ექიმმა ათანასიმ.
ექიმ ათანასის განმარტებით, მას შემდეგ, რაც ზიარების კადრები ინტერნეტსივრცეში გავრცელდა, რუმინეთის მართლმადიდებელმა ეკლესიამ შეზღუდვები გაამკაცრა და ღვთისმსახურებას მრევლის გარეშე ატარებს.
“იმედი მაქვს მიღებული ზომები ინფიცირებულთა რაოდენობას შეცვლის, მაგრამ ჩემი აზრით, ეს შეზღვუდვები გვიან დაწესდა” _თქვა მან.
ამჟამად რუმინეთში „კოვიდ 19“-ის 762 შემთხვევა დაფიქსირდა. 5000-ზე მეტი ადამიანი კარანტინშია გადაყვანილი.
cyc.ge
კომენტარები