რსულა ფონ დერ ლაიენის პასუხი არქიმანდრიტს

არქიმანდრიტ დოროთე ყურაშვილს, ურსულა ფონ დერ ლაიენისადმი გაგზავნილი წერილის საპასუხოდ, მოსწერეს:

“სათაური: მხარდაჭერის თხოვნა: საქართველოს სუვერენიტეტისა და დემოკრატიის დაცვისათვის
ძვირფასო ბატონო დოროთე,
გმადლობთ წერილისთვის, რომელიც გამოაგზავნეთ ევროკომისიის პრეზიდენტ, ურსულა ფონ დერ ლაიენთან. დამევალა, რომ მე გაგცეთ პასუხი.
ევროკავშირმა მოახდინა მტკიცე რეაგირება საქართველოში არსებულ უარყოფით მოვლენებზე და გამოხატა შეშფოთება, როგორც არჩევნებში გამოვლენილი დარღვევებისა და მშვიდობიანი დემონსტრანტების წინააღმდეგ გამოყენებული ძალადობის, ასევე ჟურნალისტების, აქტივისტებისა და ოპოზიციის წარმომადგენლების დაკავების გამო.
საქართველოს ხელისუფლების მიერ განხორციელებული ქმედებების შედეგად, საქართველოს გაწევრიანების პროცესი ფაქტობრივად შეჩერებულია, როგორც ეს ევროკავშირის საბჭომ დაასკვნა 2024 წლის ივნისსა და ოქტომბერში. პასუხად, ევროპის კომისიამ მიიღო რიგი ზომები, მათ შორის, საქართველოს ხელისუფლებისთვის პირდაპირი სარგებლის მქონე ორმხრივი დახმარების შეჩერება და პოლიტიკური კავშირების შემცირება. გარდა ამისა, კომისიის წინადადების საფუძველზე, საბჭომ დაადგინა საქართველოსთან ვიზების გამარტივების შეთანხმების ნაწილობრივი შეჩერება, რომელიც უშუალოდ შეეხება საქართველოს დიპლომატიური და სამსახურებრივი პასპორტების მფლობელებს.
ევროკავშირი ერთგული რჩება საქართველოში დემოკრატიული პრინციპების, ადამიანის უფლებებისა და კანონის უზენაესობის მხარდაჭერისადმი. დარწმუნებული იყავით, რომ ევროკავშირი მყარად დგას ქართველი ხალხის გვერდით და მხარს უჭერს მათ  ევროპული მომავლისკენ მიმართულ მისწრაფებებს.
პატივისცემით,
დავიდ კულენი,
განყოფილების ხელმძღვანელი” – ნათქვამია წერილში, რომელსაც არქიმანდრიტი დოროთე აქვეყნებს.