ყველა ადამიანი თანასწორია სამართლის წინაშე და შესაბამისად, განსხვავებული მიდგომა ვერ გვექნება ვერავისთან – ამის შესახებ იუსტიციის მინისტრმა პარლამენტში განაცხადა. რატი ბრეგაძის თქმით, შესაბამისი სამედიცინო დასკვნის შემდეგ მიხეილ სააკაშვილს გორის სამხედრო ჰოსპიტალიდან ისევ რუსთავში, სპეციალური პენიტენციური სამსახურის N12 დაწესებულებაში გადაიყვანენ.
ჩვენ პატივს ვცემთ საქართველოს კონსტიტუციას, რომლის მე-11 მუხლის თანახმადაც ყველა ადამიანი თანასწორია სამართლის წინაშე და შესაბამისად, განსხვავებული მიდგომა ვერ გვექნება ვერავისთან მისი ყოფილი სტატუსიდან გამომდინარე, ვინც არ უნდა იყოს, იქნებოდა ის ყოფილი პრეზიდენდეტი, თუ ნებისმიერი თანამდებობის პირი ამ ქვეყანაში, ყველა არის კანონის წინაშე თანასწორი და ბუნებრივია, ჩვენ მარადჟამს ვიქნებით ამ პრინციპის დამცველი…
მას შემდეგ, რაც ჩვენ გვექნება შესაბამისი სამედიცინო დასკვნა და სამედიცინო პერსონალის თანხმობა, ის გადაყვანილი იქნება, როგორც უკვე მრავალგზის განვაცხადეთ, სპეციალური პენიტენციური სამსახურის N12 დაწესებულებაში – რუსთავში, სადაც თავიდან იყო შესახლებული, – თქვა რატი ბრეგაძემ.
კომენტარები