როსტურიზმის ხელმძღვანელი ზარინა დოგუზოვა მსოფლიო ტურიზმის ორგანიზაციას (UNWTO) მიმართავს და სთხოვს:
“მოგიწოდებთ, ძვირფასო კოლეგებო, უარყოთ გენერალური ასამბლეის რიგგარეშე სესიის მოწვევის წინადადება რუსეთის ფედერაციის წევრობის შეჩერების საკითხის განსახილველად, ჩვენ დარწმუნებულები ვართ, რომ ტურიზმი შექმნილია ხალხის გაერთიანების, მეგობრული კავშირების გასაძლიერებლად”
UNWTO რიგგარეშე სხდომის გამართვას დღეს, ესპანეთში გეგმავს, სადაც განიხილავენ ორგანიზაციაში რუსეთის წევრობის შეჩერების საკითხს.
შეგახსენებთ, გაეროს მსოფლიო ტურიზმის ორგანიზაციის გენერალური მდივანი ზურაბ პოლოლიკაშვილია. მან 27 თებერვალს, გაეროს მსოფლიო ტურიზმის ორგანიზაციის წევრ ქვეყნებს მოუწოდა, განიხილონ რუსეთისთვის წევრობის შეჩერების საკითხი.
კომენტარები