ვინ უფრო ნათელ მხარეს დგას – ვაშაძე თუ სააკაშვილი, ამის შეფასება საზოგადოებასა და პოლიტიკოსებს არ გაუჭირდებათ, რადგან პოლიტიკური სივრცე დღეს გახსნილია. ალბათ, მიხეილ სააკაშვილს სწორედ ეს აღიზიანებს, – ასე შეაფასა პარლამენტის თავმჯდომარემ არჩილ თალაკვაძემ ჟურნალისტებთან საუბრისას მიხეილ სააკაშვილის განცხადება, სადაც მან გიორგი ვაშაძეს „ბნელ მხარეს” გადასული პოლიტიკოსი უწოდა.
„რეალურად, სააკაშვილის მონოპოლია 2012 წელს დაიშალა და მისი პოლიტიკური კომპანია არის პოლიტიკური კრახის წინაშე.
საპარლამენტო არჩევნებში კიდევ ერთხელ გამოჩნდება, რომ საზოგადოებას საქართველოში ახალი პოლიტიკური კლასი და პასუხისმგებლიანი პოლიტიკური პარტიები სურს, ისეთი, როგორიც არის „ქართული ოცნება”. ჩვენი მიზანია, რომ უფრო მონაწილეობითი პარლამენტი გვქონდეს, ასევე უფრო დაბალანსებული და შედეგზე ორიენტირებული პოლიტიკა გვქონდეს. შემიძლია ის ნაბიჯები გითხრათ, რომელიც სააკაშვილისგან განსხვავებით, როცა ის იყო ხელისუფლებაში, ჩვენ გადავდგით. შევცვალეთ – პარტიების დაფინანსების სისტემა, მედია საშუალებებს შეზღუდვები მოვუხსენით, რომელთა რაოდენობა ოთხიდან ოცამდე გაიზარდა ეროვნული მაუწყებელობის თვალსაზრისით. ასევე შევცვალეთ საქართველოს კონსტიტუცია, შემოვიღეთ არსებითად პროპორციული სისტემა და სრულად პროპორციული სისტემა 2024 წლისთვის. აგრეთვე, შევცვალეთ, „საარჩევნო კოდექსი”. ეს არის რეალური ნაბიჯები დემოკრატიის გასაძლიერებლად. რასაც მიხეილ სააკაშვილი აკეთებს, ეს არის უკვე წარსული და გასაკვირი არ არის, რომ ეს ოპოზიციურ პარტიებს შორის სამართლიან გაღიზიანებას იწვევს”,
კომენტარები