თბილისში, მეშვიდე კლასის მოსწავლეს H1N1 ვირუსი დაუდგინა. ამის შესახებ „პრაიმტაიმს“ ერთ-ერთი მოსწავლის მშობელმა უამბო. შემთხვევა 161-ე საჯაროს სკოლაში დაფიქსირდა.
მისი თქმით, სკოლაში პარასკევის ჩათვლით კარანტინი გამოცხადდა.
„პრაიმტაიმი“ სკოლის დირექტორს დაუკავშირდა. მიშა მინდაძის თქმით, ღორის გრიპის შემთხვევა მათ სკოლაში ნამდვილად დაფიქსირდა, თუმცა კარანტინის შესახებ გავრცელებული ინფორმაცია არ დაადასტურა.
„მოსწავლე, რომელსაც H1N1 ვირუსის დაუდგინდა სახლში იმყოფებოდა. რაც შეეხება გავრცელებულ ინფორმაციას კარანტინის შესახებ არ ვადასტურებ, სკოლაში ჩატარდა სადეზინფექციო სამუშაოები და სასწავლო პროცესი გრძელდება.“
კომენტარები