ყვარლის მუნიციპალიტეტში მოსული სეტყვის შედეგად მნიშვნელოვანი ზარალი მიადგა მუნიციპალიტეტის სოფლებს – გავაზი, გრემი, სანავარდო, კუჭატანი და შილდა, ასევე, ქ.ყვარლის სავარგულებს.
კახეთის გუბერნიის ინფორმაციით, დასეტყვილია სასოფლო – სამეურნეო სავარგულები.
სტიქიის ზონაში იმყოფებოდა კახეთის სახელმწიფო რწმუნებული, ირაკლი შიოშვილი და ყვარლის მუნიციპალიტეტის მერი.
ამავდროულად, სტიქიამ პრობლემები შექმნა თელავი – ყვარელის დამაკავშირებელ მაგისტრალზე, სადაც წაქცეული ხეების შედეგად მოძრაობა დროებით შეიზღუდა.
მობილიზებულია მერიის ყველა შესაბამისი სამსახური, ასევე, გზის გაწმენდით სამუშაოებში მყისიერად ჩაერთნენ საგანგებო სიტუაციების მართვის სამსახურის მეხანძრე – მაშველები.
ამ დროისთვის მოძრაობა აღდგენილია.
სეტყვამ მნიშვნელოვანი ზარალი მიაყენა თელავის მუნიციპალიტეტის სოფლებსაც. სოფელ აკურაში სტიქიამ გაანადგურა ვენახები.
სეტყვამ დააზარალა გურჯაანის მუნიციპალიტეტის სოფლებიც.
მერიის ინფორმაციით, ამ დროის მონაცემებით ველისციხე, ვაჩნაძიანი და ვაზისუბანი – ამ სოფლების გარკვეული ნაწილი დასეტყვილია.
კომენტარები