აშშ-ში მცხოვრები ექიმი, ზურაბ გურული:
„ყველანაირი ემოცია რომ გვერდზე გადავდოთ და ცივი პრაგმატიზმით გავაკეთოთ დასკვნა პენიტენციალური სამსახურის მიერ გავრცელებული კადრების შესახებ:
ეს არის წარმოუდგენელი არაპროფესიონალიზმის გამოვლინება.
არაპროფესიონალიზმია აბსოლუტურად ყველა მიმართულებით; იქნება ეს იდეოლოგია, პროპაგანდა, სახელმწიფოებრივი ინტერესების დაცვა, იურისპრუდენცია, მედიცინა …
მედიცინაზე საუბარიც აღარ ღირს ალბათ; პანდემიის დასასრულს, როდესაც მთელმა მსოფლიომ ისწავლა ინფექციის მართვა, საქართველოში მაშინ მიმდინარეობს სიკვდილიანობის ზრდა, მაგრამ ამ კონკრეტული ფაქტით აშკარა ხდება, თუ რა დღეშია ქვეყნის ფსიქიატრიული, ფსიქოლოგიური, სამედიცინო პროპაგანდის სამსახურები. ერთი რეკომენდაციაც არ გაცემულა მთავრობის მისამართით, რომ სასწრაფოდ აღეკვეთათ დაპირისპირება საზოგადოებაში, რაც პერმანენტული მასობრივი თავყრილობების გამომწვევია პანდემიის დროს. როგორ ეპყრობიან სავალდებულო სამედიცინო მეთვალყურეობის ქვეშ მყოფ პირს საჯაროდ, ეს უკვე სცილდება ზნეობის კატეგორიებს და პროფესიულ დანაშაულში გადადის.
რა სახელმწიფოებრივი ინტერესების დამცველ იდეოლოგია-პროპაგანდაზეა საუბარი, როდესაც 2008 წლის სამამულო ომის მთავარსარდალს ყოველგვარი სამხედრო თუ იურიდიული ღირსების დაცვის გარეშე თმით ათრევ საპყრობილეში და მერე ამ კადრებს საჯაროდ მიაწვდი ოკუპანტი ქვეყნის მედია-სამსახურებს საქილიკოდ.
რომელი აფხაზეთი და სამაჩაბლოს დამბრუნებელია ასეთი გამასხარავებული საქართველო?
ქართული იურისპრუდენცია … იუსტიციის სამინისტრო … ამ კადრების გასაჯაროება შეიძლებოდა და არსებობს არგუმენტი რომელიც გაამართლებს ამ საქციელს?
არც კი ეცადოთ! ისეთი კატეგორიის არაპროფესიონალიზმია, რომელიც იდიოტიზმშია გადასული.
დიახ, ვალდებულება გქონდათ სახელმწიფოს, ყველა მოქალაქის, საკუთარი პროფესიული სინდისის წინაშე, რომ ასეთ მგრძნობიარე შემთხვევაში მოლაპარაკების, თანხმობის და ხაზგასმული პატივისცემის გამოყენებით მოპყრობოდით სახელმწიფოს ერთერთ მთავარ სიმბოლოს.
საქართველოს მოქალაქეებო, წარმოუდგენლად დაბალი დონის, გაუნათლებელ არაპროფესიონალებთან გაქვთ საქმე თქვენი ე.წ. მთავრობის სახით და არ დასრულდება ეს ყველაფერი კარგად. ვნახეთ უკვე ერთხელ, რა მოიტანა უტვინო კრიმინალების დიქტატურამ, ახლა უარესი გველის. ნუ ცდილობთ ამ წარმოუდგენელი სიბრიყვეების გამართლებას. ქვეყანა უფსკრულისაკენ მიექანება…“
კომენტარები