‘რომელ თქვენგანს არ აქვს ხელისუფლებაში ყოფნისას ბიზნესი, ბიძინადან დაწყებული?! – წერილი სოციალური ქსელიდან

ჟურნალ “ქვაკუთხედის” რედაქტორი, ხათუნა საგინაშვილი, სოციალურ ქსელში, წერს:

რამდენიმე დღის წინ ღარიბაშვილის ადვოკატს  დავუკომენტარე – ირაკლი პოლიტიკაში უნდა მოვიდეს, მხოლოდ მას აქვს ხალხის რეალური სიყვარული და მხარდაჭერა და შესწევს, ძალა, ხელისუფლება შეცვალოს, ოცნება უკუნისამდე მაინც ვერ იქნება ძალაუფლებაში მეთქი;
და ჰოი საოცრებავ – რამდენიმე დღეში ირაკლი დაიჭირეს, ქონების სრული კონფისკაციით(!)- და ეს შემთხვევითია?
სრულიად ცხადია, მომავალი არჩევნების წინ ღარიბაშვილი გაანეიტრალეს;
ხალხი ყველაფერს ხვდება, ხვდება, რომ საქმე თავიდან ბოლომდე თეთრი ძაფითაა ნაკერი და სულ ამაოდ ჰგონია მავანს, რომ ხალხს დააბოლებს რამდენიმე პროპაგანდისტული არხის იმედად.
მით უფრო, რომ საქართველოში ზედიზედ ბარე ორმა არ იცის, რეალურად რა ჩაიდინა საციხო ორგზის პრემიერ-ყოფილმა;
რა, ბიზნესი აწარმოა? – და რომელ თქვენგანს არ აქვს ხელისუფლებაში ყოფნისას ბიზნესი, ბიძინადან დაწყებული?!
დეკლარაციაში შემოსავლები არასრულად აჩვენა? – და თქვენ ყველაფერი სააშკარაოზე გაქვთ გამოფენილი?
ამდენი ხანი ქექეთ ქექეთ და თქვენი უნამუსობის გასამართლებლად ისიც კი რომ ვერ შეთითხნეთ, ენა არ მოგიბრუნდათ, გეთქვათ, ღარიბაშვილი კორუფციაში იყო ჩართული, ქრთამებს იღებდა ან ტენდერებზე მონოპოლია ჰქონდა დაწესებულიო..
ნუ ი ნუ…
ეს ისე არ ჩაივლის;
ღარიბაშვილის გაშავების მცდელობით რეალურად თავს გამოუტანეთ განაჩენი,
ტყუილად გგონიათ ხალხი ბრიყვი…
ხალხი ბრძენიცაა და სამართლანიც, ხალხმა სიყვარულიც ნამდვილი იცის და ერთგულებაც, ის, რაც თქვენ არ გაგაჩნიათ, იმას კი ვერანაირი ძალაუფლებით ვერ იყიდით, რაც ირაკლის აქვს – ხალხის სიყვარულს, მით უფრო ჩვენმა გულმოწყალე, მადლიანმა ერმა ყველაზე მთავარი, რაც შეისისხლხორცა, ღვთიური ნიჭი – უსამართლოდ დაჩაგრულის გვერდით დგომააა…
და ყველაზე უმთავრესი – ბოლო სიტყვა ღმერთს ეკუთვნის – დაელოდეთ!
კიდევ ერთხელ ჩემი სოლიდარობა #ირაკლი_ღარიბაშვილს!