„ისეთი ინფიცირებულები, რომელთაც კორონავირუსის სუსტი დადებით პასუხი აქვთ, აბასთუმანში გადავლენ სამკურნალოდ.“ – ამის შესახებ ჯანდაცვის მინისტრმა ეკატერინე ტიკარაძემ პირველ არხზე, „მოამბის“ ეთერში განაცხადა.
„ჩვენ ვფიქრობთ, რომ საკურორტო ზონა იქნება აბასთუმანი, რომელიც პირველივე დღიდან იყო ჯერ საკარანტინე და შემდეგ ცხელების ცენტრი. გარემო პირობებიდან გამომდინარე, მივიღეთ გადაწყვეტილება, რომ ეფექტური იქნებოდა პაციენტის ჯანმრთელობისთვის იქ განთავსება.
შემდეგ დღეებში ველოდებით ისეთი პაციენტების სახელობით სიას, რომელთა მკურნალობა გაგრძელდა 14 დღეზე მეტხანს, არ აქვთ კლინიკური ნიშნები, აქვთ სუსტი დადებითი პასუხი ვირუსის ტესტზე და სჭირდებათ მხოლოდ ექიმების მეთვალყურეობა“
“ალია” – შესაბამისად, მინისტრის განცხადება ნიშნავს იმას, რომ პაციენტებს, რომლებსაც მართალია სუსტად გამოხატული, მაგრამ, ჯერ ისევ აქვთ ვირუსი, გამოიყვანენ ბოქსირებული პალატიდან და გადაიყვანენ საკარანტინე სივრცეში, რომელიც არ არის ბოქსირებული.
ბოქსირებულ პალატაში პაციენტები გადადების თავიდან ასაცილებლად არა გვყავს? მხოლოდ წამლის დასალევად გვყავს გამომწყვდეულნი?
პაციენტი, რომელსაც ჯერ ისევ აქვს ვირუსი, განა აღარ არის მისი გადამტანი? აღარ არის გადამდები?
კლინიკებში დაირღვა ნორმები და რამდენიმე ათეული ექიმია დაინფიცირებული! კარანტინის პერსონალი ასეთი გადამზადებულია, რომ დაავადებულ პაციენტებს მიხედონ და თავიც სწორად დაიცვან?
კარგია, ძალიან კარგია აბასთუმანში პაციენტების გადაყვანა რეაბილიტაციისთვის, მათთვის სუფთა ჰაერი და მზის სხივი აუცილებელია, ოღონდ ჯერ ხომ არ სჯობდა, რომ ბოქსირებული პალატები მოგეწყოთ? განცალკევებული ვენტილაციის სისტემით, მომზადებული პერსონალით?
ძალიან კარგია, თუ ადამიანი, რომელსაც ვირუსი ჯერ კიდევ აქვს, თუნდაც მცირედ დადებითად, თუ ისე ნაკლებ საშიშია, რომ კარანტინში შეგვიძლია მკურნალობა. ე.ი. საქართველოში ვირუსი მართლა სუსტად მიდის და შეზღუდვების მოხსნასაც მალე დავიწყებთ.
აქვე, იმათთვის, ვინც იტყვის რომ სახლშიც მკურნალობენ პაციენტებს – კი და როგორც წესი, ერთ სახლს მეორე სახლთან საერთო სავენტილაციო სისტემა არა აქვს, განსხვავებით საკარანტინე სივრცისა და სახლში მედ. პერსონალი მხოლოდ მაშინ მიდის, როცა ღმერთმა არ ქნას და სიტუაცია გართულდება და არა დღეში სამჯერ.
კომენტარები